Elvis Hoxha vrau Hermes Beqirin për një kapele. Ai e plagosi rëndë me 6 plumba në një lokal në lagjen “Guerrile”, tek ish-Zooteknika, ku dhe më pas Hermesi humbi jetën.
Elvis ka ndryshuar dëshminë, duke mohuar krimin e kryer, të cilin në muajin Shkurt e kishte pranuar duke dëshmuar se e kishte vrarë për një kapele dhe madje kishte kërkuar falje duke u penduar për krimin e kryer.
Sot ka qënë seanca gjyqësore në Shkodër, e cila zgjati pak minuta dhe gjithçka u shty për me 25 korrik, ku gjykata do të njihet me prova të reja, të kërkuara nga prokuroria.
Në dëshminë e tij të re, Elvis Hoxha ka deklaruar se ka qenë në Malësi të Madhe tek dajat kur ka ndodhur vrasja e 23-vjeçarit. Në këtë mënyrë është kërkuar qeliza telefonike e autorit pasi kështu mund të gjendet vendodhja ekzakte.
Mësohet se porkuroria ka 10 deshmitarë, armën e krimit dhe gjurmët e barutit në xhaketen e autorit si dhe përgjimet ambjentale.Elvis Hoxha ka kërkuar nga trupi gjykues që t’i pranojnë kërkesën për gjykim të shkurtuar.
