Nuk e ka bërë këtë shërbim bashkia e Tiranës, por policia e Tirarnës. Blutë e kryeqytetit kanë identifikuar të gjitha rrugët me akull dhe i kanë bërë publike ato. Mbetet që bashkia të marrë hua kripe dhe ta shkrijë akullin.
Shërbimet e Policisë së Tiranës njoftojnë se disa akse rrugore dhe zona të caktuara si më poshtë ka prezencë të ujit dhe akullit në rrugë më konkretisht:
• Kryqëzimi i Laprakës.
• Nënkalimi i “City Park”, sa kalon Vorën drejtimi DR-TR, përballë Karburant “Autokton”.
• Priskë Nr.2.
• Në rrugën “Qamil Guranjaku”.
• Mbrapa stadiumit “Qemal Stafa”.
• Në rrugën “Karl Topia”.
• Nga “21 Dhjetori” në drejtim të “Vasil Shantos” ka prezencë uji.
• Tek Klinika Nr.1 ka prezencë uji.
• Rruga “Myslym Shyri” në kryqëzim me rrugën “Muhamet Gjollesha” ka prezencë uji.
• Rruga sa kalon Lapidarin në Pezë Helmës, ka prezenca akulli në rrugë.
Shërbimet e Policisë janë të gjitha në gadishmëri, ku po monitorojnë lëvizjen e automjeteve duke ju ardhur në ndihmë drejtuesve të automjeteve dhe qytetarëve që kanë nevojë për ndihmë.
Ju bëjmë thirrje të gjithë qytetarëve që të shmangin të gjithë lëvizjet e panevojshme, dhe në rast emergjence të mos hezitojnë të kërkojnë ndihmën e policisë.
