Ndërsa kryetari i opozitës Basha ka kërkuar praninë në sallë të kryeministrit si përgjegjësin kryesor për mosçeljen e negociatave me BE dhe nuk pranon të marrë fjalën, kreu i grupit parlamentar të PS-së, Taulant Balla, i cili e bën shumë rolin e zëdhenësit te kryeministrit kërkon ta tërheq atë në debat duke tentuar të ulë rolin e tij si kryetar i opozitës.
“Është marrë një vendim për të shtyrë vendimarrjen për hapjen e negociatave, dhe përgjegjësi dhe pengesa kryesore për moshapjen e negociatave sot duhet të jetë këtu. Afërmendsh nuk mund t’i kërkosh Kryetarit të opozitës të marrë fjalën në foltore dhe të nisë debatin pa përgjegjësin numër një, këtu, në sallë. Prandaj, në qoftë se zotëria po fshihet apo nuk i mbajnë leqet, të vijë këtu, ndërpre seancën, qetësoje, këshilloje, të marrë ato që merr dhe të vijë këtu në seancë. Edi Rama. Rama te vije ne seancë të mos i bëj bisht debatit ose në të kundërtën pezullo seancën” i është drejtuar Basha , kryetarit të Gramoz Rucit.
Pas kërkesës së kryetari të PD-së Lulzim Basha ka reaguar kreu i grupit parlamentar të PS-së, Taulant Balla. Deputeti eshte kujdesur te tregoje pse mungon e Ramës në sallë, ndërsa shtoi se kryeministri po zhvillon një bisedë telefonike me kryeministrin e Belgjikës.
“Duhet të jemi korrekt me ata që na ndjekin kur i referohemi rregullores së kuvendit. E mirëpresim një debat me ju sot për vendimin historik të hapjes ë negociatave. Jemi të gatshëm ta zhvillojmë atë. Por ju jeni të paimagjinueshëm. Ke kërkuar debat për raportin për dokumentet të ish-sigurimit. Je shumë i dobët përball çdo beteje. Jemi të gatshëm që të zhvillojmë edhe debat për shpresën tënde që s’janë hapur negociata. Ty Shyqyr që të kemi ne, por mjerë që të ka Shqipëria kryetar të opozitës. Unë propozoj që të nis debati me ministrin Bushati me 20 minutat e tij dhe më pas Rama do të jetë këtu menjëherë, pasi nuk e ka bosh kohën si ky këtu. Në këtë moment është në një telefonatë me kryeministrin e Belgjikës”, tha Balla, i cili tenton ta tërheq Bashën në debat për ta kthyer seancën e të enjtes në një përplasje mes tij dhe kryetarit të opozitës.
https://www.facebook.com/lulzimbasha.al/videos/1936197329764772/
