“A është paguar 10 mijë euro në muaj deputeti i Ramës, apo 800 mijë lekë të vjetra në muaj?”.
Kjo ka qenë pyetja që në emër të PD-së, ka adresuar sot zëdhënësja e kësaj partie, Ina Zhupa.
Duke ju referuar një
Vendim gjykateje, PD ka kërkuar se në bazë të pagës së deklaruar prej vetë deputetit, a i ka paguar taksat, mbi bazën e pagës së pretenduar.
Ndërkohë, Ina Zhupa ka pyetur, në se institucionet e kontrollit dhe verifikimit të pasurisë, mbi cilat dokumente punojnë, mbi pretendimet e Pezës, apo dokumentet zyrtare?
“Kështu do ta bëjnë ata dhe Vetting-un e gjykatësve dhe prokurorëve, siç kanë vepruar me deputetin socialist?”, ka pyetur midis të tjerave zëdhënësja e PD-së.
Ina Zhupa për mashtrimin mbi të ardhurat e deputetit Peza. Dyshimet se si drejtoritë e Ramës do bëjnë Vetting-un për drejtësinë
Deputeti i Edi Ramës, Alfred Peza, në përpjekjen për të justifikuar pasurinë duket se ka kryer një mashtrim tjetër.
Peza tha se është paguar deri në 10 mijë euro në muaj në media, dhe ka qenë i adhuruar për këtë.
Por ky dokument që ka dalë në media, tregon se ai është paguar me 800 mijë lekë (të vjetra) në muaj.
Dokumenti është një vendim gjykate, dhe nuk besohet se ka shkresë më zyrtare në vend, se sa një vendim gjykate.
Atëherë, publiku ka të drejtën të dijë;
A është paguar 10 mijë euro në muaj deputeti i Ramës, apo 800 mijë lekë të vjetra në muaj.
Nëse Peza është paguar aq sa pretendon, a i ka paguar taksat? Taksat që shkojnë nga 2300 euro në muaj deri në vitin 2008, dhe 1000 euro në muaj pas vitit 2008 kur u vendos taksa e sheshtë?
Po institucionet e kontrollit dhe verifikimit të pasurisë, mbi cilat dokumente punojnë, mbi pretendimet e Pezës, apo dokumentet zyrtare?
Kështu do ta bëjnë ata dhe Vetting-un e gjykatësve dhe prokurorëve, siç kanë vepruar me deputetin socialist?
Qytetarët e kanë dëgjuar variantin e deputetit. Për të gjitha këto çështje, sot është mirë të përgjigjet Edi Rama.
