FOTO/ Bari, Guardia di Finanza kap 1350 kg kanabis, arrestohen dy shqiptarë

Rreth 1350 kg kanabis ka kapur Guardia di Finanza në afërsi të Barit. Njësite e ROAN të Guardia di Finanza të Pulias kanë ndaluar një skaf që po tentonte të trafikonte një sasi të konsiderueshme droge drejt vendit fqinj.
Policia italiane me anë të njësive operative të Guardia di Finanza në Pulias u vu menjëherë ne gatishmëri dhe pas identifikimit të mjetit lundrues janë vënë në ndjekje me mjetet e tyre detare të shpejta për ndalimin e skafit të kundërligjshëm dhe kapjen e trafikantëve.
Pas disa orë ndjekje u arrit të kapej skafi me 1350 kg kanabis në bord në afërsi të Barit dhe të arrestohen 2 trafikantët shqiptarë.
Ata janë G. I., 24 vjeç dhe B. K., 52 vjeç.
Autoritet e të dy policive vijojnë hetimet për të zbuluar të implikuar të tjerë në trafik dhe lidhjet me dy mjetet lundruese të ndaluara në bregdetin shqiptar me skafistët italianë.