World Vision: Në Shqipëri janë 70 000 fëmijë me aftësi të kufizuar

Numri i fëmijëve me aftësi të kufizuar është rritur ndjeshëm gjatë viteve të fundit, po ashtu edhe pamundësia për të marrë shërbime të integruara. Nga të dhënat rezulton se 92% e këtyre fëmijëve nuk kanë akses në këto shërbime, ndërsa kryetari i Bashkisë së Tiranës ka thënë se Bashkia ka marrë një sërë masash për ti integruar në shoqëri.
Në Shqipëri janë 70 mijë fëmijë me aftësi të kufizuara dhe 92% e tyre nuk kanë mundësi të marrin shërbime të integruara.
Drejtori i World Vision, Toni Gogu, prezantoi raportin mbi situatën e personave me aftësi ndryshe, teksa shtoi domosdoshmërinë për ndërgjegjësimin e të gjithë prindërve.
Kryebashkiaku i Tiranës, Erion Veliaj, tha se në kuadër të integrimit të personave me aftësi të kuafizuara në shoqëri, Bashkia ka marrë një sërë masash, sidomos përsa i përket infrastrukturës.
Profesorët e specializuar europianë të pranishëm në konferencë kanë theksuar se edukimi dhe profilizimi i personave me aftësi të veçanta janë thelbësore për integrimin e plotë të tyre në shoqëri.