Reshjet e borës kanë prekur zonat malore në rrethin e Kukësit, si në Fushë-Dukagjin dhe te Tuneli i Kalimashit në Rrugën e Kombit, ku trashësia ka arritur në 8 centimetra.
Ka prani të mjegullës dhe 5 borë-pastruese janë në rrugë nga kompania mirëmbajtëse për pastrimin e borës në dy sense drejtimi.
Rruga është e qarkullueshme por drejtuesit duhet të tregojnë kujdes të lëvizin me pajisje dimërore pasi pritet që reshjet të vijojnë edhe në orët në vijim. Kujdes duhet treguar edhe në Rrugën Kukës – Shishtavec.
