SHBA, Rex Tillerson emërohet Sekretar Shteti

Rex W. Tillerson, kryetari dhe ish-shefi ekzekutiv i Exxon Mobil, u emërua nga Senati, Sekretari i 69-të i Shtetit në një votim 56 me 43.
Votat ndaj Tillerson ishin ato që e bënë atë më të diskutueshmin në historinë e kohëve të fundit.
Ai do e marrë postin e tij ndërkohë që shumë nga aleatët amerikanë janë ende në pikëpyetje për politikat e presidentit Trump.
Në 50 vitet e fundit, konfirmimet më të diskutueshme për Sekretar Shteti ishin ato të Condoleezza Rajs në vitin 2005, që kaloi me një votim 85 me 13 dhe Henry Kissinger në vitin 1973, i cili u konfirmua 78 me 7.
Sekretari i 69-të i Shtetit është akuzuar se ka promovuar politikën e ashtuquajtur “America First” të Presidentit Donald Trump në të gjithë globin, ndërkohë që udhëheqësit ndërkombëtarë shprehin shqetësimin për qasjen e zhurmshme të Presidentit nëpërmjet Twitter-it.
Shqetësimi në administratën Trump qëndron në pikëpyetjet në lidhje me marrëdhëniet e saj me Rusinë. Në ditët e fundit të administratës Obama, zyrtarët e inteligjencës publikuan një raport që konkludoi se Kremlini mbështeti një fushatë për publikimin e informacionit që do të zhvendoste zgjedhjet amerikane në favor të zotit Trump. Ndërsa Presidenti ka pranuar se Rusia ishte fajtorja e mundshme e fshehur pas sulmit kibernetik, ai ka insistuar në krijimin e një marrëdhënieje të mirë me presidentin Vladimir Putin.
Përveç kësaj, Trump ka thënë se ka qenë i hapur për heqjen e sanksioneve të imponuara nga Rusia në vitin 2014 për aneksimin e tyre të paligjshëm të gadishullit të Ukrainës- Krimesë, gjë që të mund të përfitojë direkt ExxonMobil, ndërkohë që Tillerson ndërmjetësoi një ortakëri prej 500 miliardë dollarësh me ta.
Si rezultat i kësaj, ai u nderua me Urdhërin e Miqësisë nga presidenti rus, nderi më i lartë një shtetasi të huaj në Rusi.
ExxonMobil i është dashur të ndërpresë operacionet në rajon në vitin 2014 për shkak të sanksioneve, të cilat Tillerson i kundërshtoi në atë kohë. Kreu i operacioneve gjigante ruse të naftës, Glenn Waller, tha se kompania do t’i kthehej projektit sapo të hiqeshin sanksionet.
Tillerson tha se duhet të kishte patur një përgjigje ushtarake ndaj Rusisë në vitin 2014 dhe agresiviteti i tyre ndaj Ukrainës ka rezultuar si një “mungesë e udhëheqjes amerikane”.