Deputetët e parlamentit të Shqipërisë vazhdojnë të shpenzojnë para publike për fjetje në hotele, për qera, karburant, telefonata, dieta etj. Nga zbardhja e përfitimeve financiare të deputetëve për muajin nëntor të vitit 2017 nga Shqiptarja.com, rezulton se një pjesë e tyre posedon më shumë sa një banesë dhe rezultojnë se kanë përfituar para publike sikur kanë banuar në shtëpi me qera apo për fjetje në hotele brenda vendit, për shkak të detyrës si ligjvënës. Tetë deputetë, gjatë muajt nëntor të 2017, kanë përfituar nga paratë publike në vlerat nga 21 000 lekë deri në 35 000 lekë për pagesën e qirasë.
Konkretisht, kanë marrë para nga buxheti për qiranë e banesës deputetët Nard Ndoka, Ilirian Pendavinji, Edmond Leka, Xehvit Bushaj, Edlira Bode, Izmira Ulqinaku, Nadire Meçorapaj dhe ish-deputeti Gledion Rehovica. Ndërkaq, gjashtë deputetë kanë përfituar nga paratë publike për fjetje në hotele brenda vendit, për shkak të punës që lidhet me detyrën e tyre si ligjvënës. Konkretisht deputetja Adelina Rista ka shpenzuar 72 000 lekë për hotel, Andrea Marto 18 000 lekë, Izmira Ulqinaku 29 750 lekë, Nadire Meçorapaj 29 750 lekë, Tatiana Nurçe, 72 000 lekë dhe Eduard Shlasi 15 00 lekë.
Sa i takon shpenzimeve të tjera, vetëm për muajin nëntor të vitit 2017, të gjithë deputetët e Kuvendit të Shqipërisë kanë shpenzuar për karburant 4 464 848 lekë. Shuma e shpenzuar është kompensuar me paratë e buxhetit të Kuvendit. Po gjatë muajit nëntor të vitit të kaluar, 140 deputetët kanë shpenzuar për komunikimin me telefon 2 144 000 lekë. Deputetët kanë përfituar 5 831 586 lekë dieta për muajin nëntor 2017. Po gjatë kësaj periudhe, deputetët, për pjesëmarrjen në komisionet e përhershme parlamentare kanë përfituar 2 065 500 lekë, për pjesëmarrje në mbledhjet e Byrosë së Kuvendit 16 500 lekë dhe për pjesëmarrje në mbledhjen e Komisionit për Reformën Zgjedhore kanë përfituar 31 000 lekë.
Në një studim të Institutit të Studimeve Politike thuhet se disa deputetët, edhe pse kanë 2-3 banesa në Tiranë, shpallen të pastrehë në kryeqytet, për të përfituar 500-1000 mijë euro në muaj, për strehim dhe udhëtime. Pra, përmes deklarimeve formale (certifikata e regjistrim në zonat elektorale) ata zyrtarisht quhen të pastrehë në Tiranë dhe trajtohen si të tillë, megjithëse posedojnë në Tiranë apartamente, vila apo banesa të tjera private e familjare. Absurdi, sipas të cilit me taksat qytetare paguajmë shtrenjtë me çmime hoteli deputetë që flenë në shtëpinë e tyre të dytë/tretë private, meriton vëmendje dhe reagim institucional të menjëhershëm”, ka pohuar ISP.
Shpenzimet për qera, muaj nëntor 2017
Gledion Rehovica, 35 000 lekë
Ilirian Pendavinji, 25 667 lekë
Nard Ndoka, 35 000 lekë
Edmond Leka, 35 000 lekë
Xehvit Bushaj, 21 000 lekë
Edlira Bode, 35 000 lekë
Izmira Ulqinaku, 35 000 lekë
Nadire Meçorapaj, 35 000 lekë
Shpenzimet për fjetje në hotel, muaj nëntor 2017
Adelina Rista, 72 000 lekë
Andrea Marto, 18 000 lekë
Izmira Ulqinaku, 29 750 lekë
Nadire Meçorapaj, 29 750 lekë
Tatiana Nurçe, 72 000 lekë
Eduard Shlasi, 15 00 lekë.
Përfitimet e tjera të 140 deputetëve, muaj nëntor 2017
Karburant, 4 464 848 lekë
Telefon, 2 144 000 lekë
Dieta, 5 831 586 lekë
Për pjesëmarrjen në komisionet e përhershme parlamentare, 2 065 500 lekë
Për pjesëmarrje në mbledhjet e Byrosë së Kuvendit, 16 500 lekë
Për pjesëmarrje në mbledhjen e Komisionit për Reformën Zgjedhore 31 000 lekë
Deputetët dhe ish-deputetët të pajisur me vërtetim për të kaluar mjete pa doganë
Viti 2016
Gent Strazimiri
Nard Ndoka
Roland Keta
Sadri Abazi
Arben Çuko
Florjon Mima
Eduard Halimi
Irma Kopliku
Bedri Hoxha
Ylli Shehu
Vladimir Kosta
Dashamir Kamberi
Shkëlqim Troplini
Viti 2015
Vasilika Hysi
Kozma Dushi
Erjeta Alhysa
Erjon Braçe
Edlira Çekrezi
Irma Kopliku
Astrit Patozi
Luçiano Boçi
Anduel Xhindi
Flamur Noka
Liljana Elmazi Billa
Mira Shehu
Oerd Bylykbashi
Edi Paloka
Viti 2014
Halim Kosova
Taulant Balla
Helidon Bushati
Sherefedin Shehu
Ermonela Felaj Valikaj
Arben Ndoka
Dashamir Peza
Vangjel Tavo
Mark Frroku
Tom Doshi
Bedri Mihaj
Astrit Veliaj
Ardian Turku
Parid Cara
Omer Mamo
Armando Prenga
