Ish-kryeministri Sali Berisha ka postuar një tjetër denoncim për Ersi Sulejmanin, drejtor i OSHEE-së në Shkodër. Në rastin e publikuar në “Facebook” dëshmitari dixhital shkruan se Ersi Sulejmani së bashku me kushëririn e tij kanë therur me thikë në Kamëz një person. Bëhet fjalë për vite më parë, ndërkohë që sot ai mban këtë post të rëndësishëm.
“Kriminel të të gjitha llojeve bashkohuni rreth Edvinit!
Qytetari dixhital denoncon:
Ersi Sylejmanin, drejtor në OSSHE si vrasës që ka therur me thikë një njeri. sb
“Përshendetje Doktor Sali Berisha… po ju dergoj këtë lajm që askush nuk po e nxjerr në gazetë apo nuk po marrin masa administrative kundrejt këtij personi. Ersi Sujlemani është person me precedent penal, person i inkriminuar që nuk e di se kush po e mbron atë person. Ai dhe një kushëriri i vet ka therur me thikë një person në mes të Kamzes vite me parë dhe tani është drejtor i OSHEE. Si ka mundësi që mbrohet ky kriminel”, shkruan Berisha.
Nuk është hera e parë që ish-kryeministri poston denoncime të qytetarëve dixhitalë të tij për Ersi Sulejmanin.
Rreth një vit më parë, në Mars 2016, ai postoi një denoncim që vinte në qendër aferat seksuale për një vend pune, si gjobitës biznesesh dhe si përdorues lëndësh narkotike.
Gjobitës biznesesh ku kërkon 3 mijë deri në 5 mijë euro bizneseve për mos t’i ndjekur në bazë të ligjit si gjithë abonentet e tjerë kur ato kapen me shkelje. Një person imoral ku gënjen vajzat e Shkodrës për një vend pune në këmbim të seksit.
Një njeri që ushtron presion për t’i larguar nga puna në këmbim të parave, siç hoqi elektricistin me 35 vite pune në elektrik (Ferit Rama) ku pas stresit humbi jetën (infrakt). Po iu shkruaj ju z.S Berisha si zëri i vetëm i së vërtetës sepse mediat ndodhen akoma në gjumë.
Me urdhër të ketij drejtori mbifaturohen mijëra abonente me pa të drejtë për të mbuluar vjedhjen që bejnë disa biznese në Shkodër me mbrojtjen e tij. Me persona si puna e këtij drejtori (përdorues i rregullt i kokainës dhe imoral) po ben rilindjen e sistemit energjitik kryeministri yne shoku Edi Rama. Me respekt E.V. Anonim ju lutem”.
