Policia italiane në kuadër të një operacioni antidrogë, të koduar “Kali i Zi”, ka arrrestuar dy të rinj shqiptarë. Fabian Gjergji, 28 vjeç dhe Klesti Qose u ndaluan nën akuzën e trafikut të drogës. Sipas policisë ata trafikonin sasi të mëdha droge të llojit heroinë dhe marijuanë.
Ky operacion nisi me arrestimin e 8 personave, ndërkohë që karabinierët arritën të çonin në qeli edhe dy shqiptarët, të cilët rezultuan të kishin udhëhequr transportimin dhe shpërndarjen e sasive të mëdha të substancës narkotike në periferi të Caserta-s.
Djemtë nga Shqipëria e merrnin drogë nga Ballkani dhe furnizonin tregun italian. Mediat italiane raportojnë për një sasi të konsiderueshme heroine, që u gjet e fshehur në një lavatriçe të banesës së tyre.
