Linzi i Austrisë është tronditur paraditen e djeshme nga një ngjarje shokuese, që ka pasur për protagonistë anëtarët e një familje shqiptare. Një 35-vjeçar nga Kosova ka plagosur me thikë bashkëshorten e tij dhe pastaj është arratisur. Policia bën me dije se ai kishte me vete një pistoletë dhe iku në drejtim të kopshtit të fëmijëve, ku mësonin edhe fëmijët e tij. Policia është mobilizuar në ndjekje të tij.
Sulmi ka ndodhur rreth orës 11.15 në një shitore në një lagje të qytetit Linz. Kosovari ka goditur me thikë partneren e tij, nënë e dy fëmijëve, duke i shkaktuar asaj plagë të rënda. Ndërsa sipas policisë, aty ka ndodhur edhe një e shtënë me armë, që mendohet të jetë shkrepur nga një pistoletë frikësuese.
Pastaj, 35 vjeçari ka marrë makinën e partneres së tij dhe ka ikur nga vendi i krimit. Policia e ka rrethuar kopështin e fëmijëve të cilin e frekuentojnë edhe fëmijët e kosovarit. Ndjekja po vazhdon./albinfo.ch./
