Përfundon në spital 22-vjeçari që varte prezervativë tek dera e Eli Farës

Gjatë qershorit të këtij viti, këngëtarja e mirënjohur Eli Fara ka kaluar një situatë të pakëndshme, sepse një 22-vjeçar e ka përndjekur. Ai i vendoste prezervativë te doreza e derës së apartamentit të saj. Këngëtarja nuk ka bërë vetë kallëzim për rastin, por ka qenë një parukiere që është përndjekur nga i njëjti person, në të njëjtën mënyrë. I riu quhet Gentian H., 22 vjeç, banues në Tiranë. Ai është dërguar për gjykim për përndjekjen e parukiere, por nga hetimet ka rezultuar se ai ka përndjekur edhe këngëtaren e famshme. ‘Panorma’ disponon vendimin e gjykatës së Tiranës e cila vendosi të caktojë masën “mjekim i detyruar spitalor” për të riun, pasi ai vuan nga çrregullime mendore dhe nuk mund të burgoset për aktet e kryera, sepse ka qënë i pandërgjegjshëm.