Banda e të dashurit të moderatores Viola spiro vijon të mbetet kryefjala e mediave italiane, të cilat kanë zbuluar ditën e sotme detaje të reja për arrestimin e tij. “Ajo nuk ka asnjë faj. Përveçse është e bukur dhe e zgjedhura e Valentin Selaj, një nga bosët e klanit të shqiptarëve shkatërruar nga skuadra policore fiorentine me ndihmën e kolegëve holandezë”, shkruajnë mediat italiane. Ndërkohë mësohet se këtë rrjet të mirëstrukturuar të trafikut të kokainës e kanë zbuluar dy gra të Prokurorisë së Amsterdamit. Dy gratë dhe një tjetër në sektorin investigativ holandez, bashkëpunuan me një tjetër grua nga Firence dhe filluan të investigojnë mbi këtë grup. Investigimi filloi pas një zënke banale rruge mes shqiptarësh, për kontrollin e territorit në Firence. Intuita i ndihmoi zonjat investiguese që po ndiqnin ngjarjen, se këtu nuk bëhej fjalë thjesht për një histori 3-4 prostitutash, por ishte diçka më shumë. Mediat italiane shkruajnë se ato kishin të drejtë”, pasi gjithë hetimi u finalizua me arrestimin e grupit të shqiptarëve. “Një kuriozitet; një tjetër bos droge i grupit jetonte në një vilë luksoze e stilit ‘Scarface’. Madje, ai mbante foto të këtij personazhi si një idhull të tij. Dhe në fakt, edhe fundin e pati pikërisht si ai. Ndërsa një tjetër bos i grupit kishte blerë një hotel luksoz në Shqipëri me qindarka”, ironizojnë gazetarët italianë. Nga ky operacion i përbashkët u kap një ton drogë, pas hetimeve në Firence, Amsterdam dhe Roterdam, ndërsa ishin nën hetim që prej vitit 2015. Deri tani nuk ka shumë detaje rreth personave të kapur, 7 shqiptarë dhe 4 italianë, por gazeta italiane e ka cilësuar Valentin Selajn si “bosin e kokainës”.
