SKANDALI/ LSI: Kryeministri do t’i shkatërrojë të ardhmen shqiptarëve me djegien e mbetjeve, GIZ-i gjerman kritikon planin

Kryeministri Edi Rama prej mëse një viti i ka dhënë jetë një projekti, që ai e cilëson madhor dhe që ka të bëjë me ndërtimin e inceneratorëve të mbetjeve anembanë Shqipërisë. Kjo nismë e kryeministrit kritikohet ashpër nga kreu i grupit parlamentar të LSI-së, Petrit Vasili, me anë të një postimi në Facebook. Vasili duke iu referuar deklaratave zyrtare të Organizatës Qeveritare Gjermane GIZ, që operon në këtë sektor, shprehet se zgjedhja e metodës së djegies (incenerimi)për mbetjet në vend është tërësisht e gabuar dhe renditet e fundit në listën e metodave që mund të aplikohen.
Postimi i Petrit Vasilit:
Kryeministri skandal me inceneratoret e mbetjetjeve, po GIZ-i gjerman qe e kundershton, kazan eshte?
Strategjia e trajtimit te mbeturinave duke vene ne plan te pare djegjen (incenerimin) eshte teresisht e gabuar, sigurisht qe kjo eshte bere me qellim. Kryeministri s’ka lene vend duke folur dhe inauguruar kete medemek kryeveper, qe e ka gjetur vetem ai. Kryeministri e ka kapur me qellim per bishti problemin shume te rende te mbetjeve. Ai po zbaton te paren ate qe duhet te bente te fundit. Kjo e fut ne rrugen me te keqe trajtimin e mbetjeve, gje qe e demton rende vendin per sot dhe per dhjetra vjet ne te ardhmen. GIZ dhe qeveria gjermane e thone qarte, po ku degjon shkollepaku? Shoqëria gjermane për Bashkëpunim Ndërkombëtar, e njohur ndryshe si GIZ, ka hedhur kritika të forta mbi qeverinë shqiptare për ndërtimin e inceneratorëve në disa rrethe të vendit. “Incenerimi, një proces që kthen mbetjet në energji është zgjidhja e fundit. Fatkeqësisht më duhet të them që investimet më të mëdha po shkojnë në pikat që kanë më pak prioritet,” është shprehur Hermann Plumm për Dëelle. “Ne si GIZ dhe shumë donatorë të tjerë në Shqipëri do të dëshironim të mbështesnin qeverinë dhe bashkitë që të krijojnë një sistem që fillon nga fillimi dhe jo nga fundi i hierariksë,” ka deklaruar Plumm.