Një pajisje parashikimi zbulon se cilat qytete do të preken pasi pjesë të ndryshme akullnajash do të shkrihen, thonë shkencëtarët.
Ky pajisje sheh rrotullimin e Tokës dhe efektet gravitacionale për të parashikuar se si uji do të “rishpërndahet” globalisht.
“Kjo bën të mundur, për çdo qytet, një përfytyrim të çdo akullnaje, shtrese akulli të cilat mund të prekin këta qytete”, thonë studiuesit.
BBC shkruan se pajisja është zhvilluar nga shkencëtarët në laboratorin e NASA-s në Kaliforni.
Zbulimet e tyre janë publikuar në revistën Science Advances.
Shkencëtari Dr Erik Ivins tha: “Ndërsa qytetet dhe vendet përpiqen të ndërtojnë plane për të zbutur përmbytjet, ata duhet të mendojnë rreth 100 vjet në të ardhmen dhe duhet të vlerësojnë rrezikun në të njëjtën mënyrë që bëjnë kompanitë e sigurimeve”.
Dhe kjo pajisje i ri ofroi një mënyrë për ta për të gjetur se cilat shtresa akulli duhet të jenë “më alarmueset”.
Ai sugjeron se në Londër rritja e nivelit të detit mund të ndikohet dukshëm nga ndryshimet në pjesën veri-perëndimore të shtresave të akullit në Grenlandës.
Ndërsa për në Nju Jork, zona shqetësuese është pjesa veriore dhe lindore e Grenlandës.
Ndryshimet e nivelit të detit në Sydney, janë “të ndikuara fuqishëm” nga ndryshimet e akullit që ndodhin përgjatë brigjeve veri-verilindore dhe veri-veriperëndimore të Antarktidës, tregojnë parashikimet.
Dr Eric Larour, zhvilluesi kryesor në këtë projekt nga laboratori i NASA-s, shpjegoi se tre procese kyçe ndikuan në modelin e ndryshimit të nivelit të detit në të gjithë botën.
E para është graviteti.
“Këto janë masa të mëdha akulli që ushtrojnë një tërheqje në oqean”, tha Dr Larour.
“Kur akulli zvogëlohet, kjo tërheqje zvogëlohet – dhe deti do të largohet nga ajo masë”.
Përveç kësaj, “ndikimi shtytës” i akullit, toka nën një shtresë akulli të shkrirë zgjerohet vertikalisht, pasi më parë është ngjeshur me peshën e akullit.
Faktori i fundit përfshin lëkundjet e vetë planetit. Ndërsa Toka rrotullohet ajo tundet duke bërë që masa në sipërfaqen e saj të ndryshojë dhe masat akullanore gjithashtu ndryshojnë. Kjo, nga ana tjetër, rishpërndan ujë rreth Tokës.
