Pasuritë e paluajtshme të disa prej kryebashkiakëve të vendit janë aq të shumta sa ata sfidojnë edhe njerëzit e politikës qendrore dhe gjyqësorit. Një nga drejtueset femra më të pasura të 61 bashkive të vendit është padyshim socialistja Majlinda Bufi, e cila drejton Bashkinë e Roskovecit dhe në deklarimin e pasurisë në ILKDP, thuhet se ka arritur të blejë plot 8 apartamente brenda një viti. Por sikur të mos mjaftonin këto pasuri, edhe bashkëshorti i kryebashkiakes Bufi, thotë se ka porositur ndërtimin e një lokali me vlerë 435 820 euro si dhe ka në pronësi një ofiçinë, në lagjen nr. 1 Roskovec.
