DETAJE/ Burri që vrau gruan në Itali, rrëfen dinamikën e ngjarjes

Dritan Sulollari ka rrëfyer përpara autoriteteve italiane arsyet se pse kishte nisur sherri me bashkëshorten e tij, Migena Kellezit që çoi deri në vrasjen e saj në Itali.
“Nuk më kujtohet asgjë në dhomë. Di vetëm që po grindeshim dhe për një moment më pas dëgjoj djalin që më thërret nga dhoma tjetër. Nuk mbaj mend se si e kam goditur”, është shprehur Sulollari përpara autoriteteve.
Çifti kishte kohë që grindej dhe ishin në prag të divorcit, ndërsa Sulollari shpjegon arsyet pse kishin gjithmonë konflikte.
“Grindja ka nisur për të njëjtat arsye si gjithmonë. Më thoshte që nuk punoja, që rrija gjithmonë në shtëpi. Për më tepër, nuk kishte asnjë marrëveshje për kujdestarinë e djalit”, ka thënë 37-vjeçari.
Çifti shqiptar kishte një djalë 8 vjeç.
“Di që evitova djalin të shikonte nënën e tij të vdekur në dhomë dhe që i thashë se isha i sëmurë dhe se duhej të shkoja në spital, por mos më kërkoni që të dini se çfarë ka ndodhur kur kisha thikën në dorë dhe se si jam plagosur në dorë sepse nuk e di”, ka përfunduar Dritan Sulollari.
Dritan Sulollari kishte shkuar vetëm në Itali dhe pas një periudhe të shkurtër kishte arritur të siguronte dokumentet dhe kishte gjetur punë. Pas një kohe të gjatë në lëvizje, ishte stabilizuar në Gradisca d’Isonzo.
Pikërisht këtu iu ishte bashkuar edhe e shoqja, me të cilën ishte martuar shumë vite më parë. Më pas dyshja ishte bërë me një djalë. Ata kishin të dy nënshtetësi italiane.