VIDEO/ Brenda piramidave egjiptiane…, në një realitet 3D

A keni dashur ndonjëherë të vizitoni piramidat e Egjiptit, por nuk e keni pasur mundësinë? Tani ju mund të bëni më shumë sesa kaq. Përmes një turi virtual, ju mund të hyni edhe brenda Piramidës së madhe të Gizës!
Duke përdorur teknologjinë 3D, ekipi i projektit të skanimit të piramidave i lejon vizitorët të vendosin syzet e posaçme për të eksploruar galerinë e mbretëreshave dhe dhoma të tjera antike, që normalisht nuk janë të qasshme për publikun, pa u larguar nga Parisi.
“Falë kësaj teknike, ne kemi bërë të mundur të teletransportohemi në Egjipt. Brenda në piramida dhe ajo që është e re në botën e realitetit virtual është se, që tani e në vijim nuk je i izoluar por në grup. Mund të bësh madje një tur me familjen, e sigurisht mund të hysh në vende, që zakonisht në piramidën reale nuk mundesh”, shpjegon Mehdi Tayoubi, bashkëdrejtues i misionit “ScanPiramyds”.
Pjesërisht e menduar si një eksperiencë argëtuese, projekti i lejon kërkuesit të përmirësojnë teknologjitë investigative. Të ashtuquajturat grimca “muon”, që e kanë origjinën nga ndërveprimet me rrezet nga hapësira dhe atomeve në atmosferën e sipërme të Tokës, janë në gjendje të penetrojnë për qindra metra në gurë para se të thithen.
“Kjo lejon edhe depërtimin virtual brenda strukturave të gurta. Përmes kësaj teknokologje, ne duam që t’i mundësojmë publikut të gjerë që të kuptojë se çfarë është kjo piramidë, e ta kuptojë këtë nga brenda saj”, tha Tayoubi.
Teknologjia çoi edhe në zbulimin e një hapësire misterioze brenda piramidës më të madhe dhe më të vjetër të Egjiptit.