DETAJE/Gjirokastër, autori tentoi vetëvrasjen, Policia zbulon dinamikën e ngjarjes

Polica e Gjirokastrës ka dhënë detajet e para për ngjarjen e mëngjesit të sotëm në qytetin e gurtë.
Sipas Policisë Vendore, mësohet se ngjarja ka ndodhur rreth orës 07:25, në lagjen “Palorto”, Gjirokastër.
Menjëherë në vendngjarje kanë shkuar shërbimet e Policisë ku konstatuan se shtetasi Apostol Kosta është konfliktuar dhe ka qëlluar me armë zjarri mbi shtetasit Aleko Kosta 66 vjeç dhe Afërdita Kosta 49 vjeçe (bashkëshortë).
Për pasojë kanë gjetur vdekjen shtetasit Aleko Kosta dhe Afërdita Kosta, ndërsa autori ka tentuar të kryejë vetëvrasje. Ai ndodhet i plagosur në spital në gjendje të rënde.
Dyshohet se konflikti ka ndodhur për shkaqe pronësie.
Në vend kanë shkuar shërbimet e policisë dhe po punohet për zbardhjen e plotë të ngjarjes.