Dibër, qëllon me armë dy vëllezërit nga Durrësi për paratë e persekutimit politik

Policia e Dibrës ka mundur të parandalojë përshkallëzimin e një konflikti në fshatin Ushtelenxë.
Burime zyrtare bëjnë të ditur se Veli Zebi nga kati i dytë i banesës së tij ka qëlluar mbi dy vëllezërit, B. N., dhe M. N., nga Durrësit, të cilët po lëviznin në këmbë para shtëpisë së tij.
Fatmirësisht nga të shtënat me armë nuk pati të lënduar.
Policia ka marrë një telefonatë nga një banor i fshatit Ushtelenxë-Dibër, se në këtë fshat janë dëgjuar të shtëna armësh.
Sapo ka marrë njoftimin shërbimet e Drejtorisë dhe të Komisariatit të Policisë Dibër kanë shkuar në vendngjarje.
Sipas Policisë Vendore, ka rënë në pranga Veli Zebi, 48 vjeç, banues në fshatin Ushtelenxë-Dibër.
Nga hetimet e kryera nga grupi hetimor dyshohet se shkaku i konfliktit dyshohet të jetë një mosmarrëveshje e lindur më parë në lidhje me mos ndarjen në mënyrë të drejtë të lekëve të përfituara si e persekutuar politike nga një e afërme e përbashkët e të dy palëve në konflikt.
Në vendin e ngjarjes është sekuestruar një gëzhojë, ndërsa po punohet për gjetjen e armës së zjarrit të përdorur nga Veli Zebi. Gjatë kontrollit të banesës janë gjetur dhe sekuestruar edhe 115 copë fishekë luftarak. Vijojnë hetimet për sqarimin e plotë të rrethanave të ngjarjes
Materialet procedurale i kaluan Prokurorisë Rrethit Gjyqësor Dibër për veprat penale “Mbajtje pa leje e armëve luftarake” në banesë, “Mbajtje pa leje të municioneve luftarake”, “Kanosje”, “Prishje e rendit dhe qetësisë publike”.