Kreu i PD, Sali Berisha ndërsa u paraqit sot në SPAK publikoi para gazetarëve skandalin. Vetorët e Edi Ramës pranuan një dokument të falsifikuar të Irenës me 5 mbiemra, tha Berisha ndlrsa publikoi një marrëveshje të panoterizuar e bërë në viton 1996 por me referencë Kodin Civil të 2015.
”Por çështja e dytë që desha të paraqes me dokumente është Irena me 5 mbiemra, fytyra e vërtetë e sistemit të ri gjyqësor, kryetarja e gjykatës speciale. Kryetarja mbetet kryetare nderi.
Ajo ka kontratën më të çuditshme në Shqipëri, në rajon dhe në Europë.
Dhe kjo kontratë është pranuar si dokument zyrtar megjithëse nuk ka asnjë noterizim.
Kjo kontratë e panoterizuar është pranuar si dokument zyrtar nga vetorët e Edi Ramës, për të justifikuar paratë e saj të krimit dhe për ta mbajtur në shërbim.
Kontratë qiraje e lidhur në Fier sot me datën 13 shkurt 1996 në palët kontraktuese shkruajnë në kontratën e poshtëshënuar.
Kjo kontratë, dëgjojeni tani se kjo turpëron edhe shtetin e gomarit, por paraja denigron njerëzit në atë shkallë sa i transformon, kjo kontratë hartohet në pajtim me nenet 801 dhe 825 të Kodit Civil.
Miq, Kodi Civil i miratuar në vitin 1994 ka pasur gjithsej 280 e ca nene.
Ja ku e keni Kodin Civil.
Kodi Civil i miratuar pak vite më parë është me 800 apo me 1000 nene.
Pra, Irena me 5 mbiemra, shikoni se çfarë mostrash njerëzore janë këta, paraqet një kontratë të firmosur në vitin 1996 dhe të lidhur sipas një Kodi Civil të miratuar në vitin 2015.
Po a ka gjë më të turpshme se kjo?
Kontrata është pa noter.
Por kjo kontratë false është pranuar nga vetorët e Edi Ramës si dokument i vërtetë.
Dhe prisni, ka akoma më shumë.
Megjithëse ata u janë drejtuar tatimeve të Fierit, a ekzistojnë dokumente për këtë shumë prej 60 milionë lekësh para të pista të Irenës me 5 mbiemra, para krimi, që mashtron, tatimet i thonë se nuk ka gjurmë, as nam as nishan të këtyre parave.
Prisni. Çfarë bëjnë vetorët me 5 mbiemra?
Vetorët me 5 mbiemra e pranojnë dhe i thonë Irenës me 5 mbiemra, shko dhe paguaj tatimet që nuk i ke paguar në vitin 1996 për 60 milionë lekë”, tha Berisha para SPAK. a.b
