Çfarë ka ndodhur:
Një portal në Shqipëri, hashtag.al ka publikuar më 27 prill një lajm sipas të cilit Edi Rama nuk ka arritur të sigurojë një darkë më TrumopJr në Tiranë pas lobimit të fortë që ka bërë për një takim të tillë Richard Grenell, këshilltar dhe njeri i afërt i Presidentit amerikan Trump, sidimos në mandatin e parë të tij.
“Mbrëmjen e së shtunës, më 26 prill 2025, Donald Trump Jr. po darkonte me Aleksandër Vuçiç në Beograd, në kuadër të një vizite të tij në Evropën Juglindore.
Disa javë më parë, ndërsa ai planifikonte këtë vizitë, Donald Trump Jr. kishte në plan të vizitonte edhe Tiranën, ku do të darkonte me kryeministrin Edi Rama.
Ky skedulim u kërkua me këmbëngulje nga Richard Grenell, një lobist i padeklaruar i Ramës dhe thuajse i deklaruar i Vuçiçit.
Planet e këtij udhëtimi të Trump Jr. u modifikuan kur njerëz të afërt të stafit të Presidentit Trump mësuan se Edi Rama ishte përfshirë në agjendë.
Sot, Donald Trump Jr. vijoi takimet në Budapest, në një konferencë biznesi, duke e hequr Tiranën nga lista e prioriteteve.
Të njëjtët aktorë në Uashington që i shkatërruan Ramës mundësinë për të takuar J.D. Vance në Mynih, vijuan lojën e tyre duke djegur edhe mundësinë e Ramës për të pritur në darkë speciale djalin e Presidentit Trump, me ndërmjetësinë e Richard Grenellit”, thuhet në këtë lajm.
Më pas një tjetër portal lajmesh në Tiranë, Politiko.al e ka publikuar këtë me burime të hashtag.al.
Pas këtij publikimi në politiko.al ka reagur Grenell përmes një postimi në rrjetin X më 28 prill 2025 duke deklaruar se lajmi është një fake neës dhe i ka kërkuar editorit të Politiko që ta fshijë atë.
“I dashur Alfred Lela e kuptoj që jeni disa ditë larg një zgjedhjeje të rëndësishme. E kuptoj që emocionet janë të larta. Zgjedhjet tuaja i kam ndjekur në heshtje, sepse Shqipëria është një aleate e rëndësishme dhe e besuar e Amerikës në NATO (dhe një nga vendet e mia të preferuara për të vizituar dhe për të pushuar). Por kjo histori nga media juaj është një gënjeshtër TOTALE. Duhet të korrigjohet menjëherë dhe të hiqet, nëse ju interesojnë faktet”, ka shkruar Grenell.
Më pas postimi i Grenellit është ripostuar në X nga Trump Junior, çfarë lexohet si mbështetje për përgenjështrimin e Grenell.
Politiko.al ka publikuar përgenjështrimin e Grenell.
Në fakt këtu duhej të mbyllej cikli rreth këtij lajmi që ka kaluar në të gjitha ‘procedurat’ etike.
Por nuk ka ndodhur kështu.
Lajmi është pasuar eshte pasuar me lajme të tjera rreth këtij lajmi ndërkohë që ka ndryshuar objektivi. Televizione dhe portale e kanë paraqitur lajmin e rremë të mësipërm si një qëndrim të PD.
Kështu televizioni top-channel transmeton se Kryeministri Rama ka reaguar ndaj një pretendimi të PD. “Gjatë një takimi elektoral në Petrelë, kryesocialisti Edi Rama iu përgjigj këtë të hënë pretendimeve të Partisë Demokratike se djali i Presidentit amerikan, Trump Junior, i kishte anuluar një takim në Beograd, të lobuar sipas selisë blu, nga i dërguari i Donald Trump për misione speciale, Richard Grenell”, transmeton top Channel.
Në fakt deklarata e Ramës nuk është perifrazuar në rreshtat e mësipërm. Më poshtë është deklarata e Ramës në lidhje me cështjen: “Shqiptarët kanë parë një kontratë të pabesueshme të kënetës, me një grup magjistarësh amerikanë. 6 milionë dollarë, janë deklaruar si pagesë nga ana e kënetës për të pastruar damkën nga balli i bufit të kënetës. Është thënë që kjo është një kontratë që financohet nga një grup patriotësh. Kjo më kujton vjehrrët dhe baxhanakët dhe gjykatësit e korruptuar që nuk kishin si të justifikonin lloj lloj pasurish. Nuk qenka aq e thjeshtë saç u bë, nuk qenka aq e thjeshtë që këtu qenka një komplot ndaj një burri të ndershëm dhe u ngritën SHBA dhe e damkosën se unë me Sorosin bëmë një konspiracion dhe ky i shkreti viktimë e pafajshme.
Sot kishte futur në lojë nëpërmjet një çyryku që e mban afër edhe familjen e presidentit Trump. Sipas tij unë paskësha bërë një përpjekje për shkuar në Beograd, prandaj nuk shkova për ti dhënë lamtumiren Papës, po prita të shkojë në Beograd, se aty do shkonte djali i Trump dhe unë me vëllain tim Vuçiçin do futesha si fanti spathi dhe do ta përshëndesja, por kjo nuk ishte e mundur sepse kjo dështoi sepse SHBA…Ok deri këtu ne i dimë.
Por kur shef që detyrohen njerëzit e familjes së presidentit të SHBA që të mohojnë këtë çmenduri, realisht të vjen trup. Në fund të ditës, atje nuk e di njeri dhe nuk e njeh njeri përveç këtyre që marrin 6 mln dollarë, sepse po të çohet edhe Lymi i tytit të paguajë 6 mln dollarë vjen Latifi dhe na e prezanton të gjithëve. 6 mln dollarë për të ardhur njëherë për të folur në dasmën e Lymit të Tytit vjen Latifi pa problem fare. Problemi është që pa ato 6 mln dollarët nuk e di njeri kush është Lymi”, thotë Rama.
Ndërsa edhe vizion plus e konsideron lajmin për Trump Jr dhe dhe kryeministrin Rama si një lajm të dalë nga PD. “Kryeministri Edi Rama ka ironizuar deklarata e bëra nga PD se ai mungoi në funeralin e Papës ditën e shtunë, pasi kishte planifikuar për të udhëtuar në drejtim të Beogradid, ku do të takohej me Presidentin serb Aleksandar Vuçiç dhe djalin e presidentit të SHBA-ve, Donald Trump”, transmeton vizion plus.
I njëjti lajm me të njëjtin sfond është publikuar nga javanews.al. Që në titull shkruhet se “Djali i Trump përgënjeshtroi PD-në, Rama: E turpshme! Berishës i ka “rrëshqitur ledhi”.
Edhe newsbomb.al e vendos theksin tek përgënjeshtrimi i PD-së nga ana e të birit të Trump. “Djali i Presidentit amerikan, Trump Junior përgënjeshtron Partinë Demokratike: Nuk ka takim të anuluar mes meje dhe Ramës”, shkruan Newsbomb.al.
Lapsi.al ushqen të njëjtën linjë por jo në titull por në paragrafin e parë të lajmit. “Kryeministri Edi Rama ka reaguar në lidhje me deklaratat e PD se ai nuk ishte në funeralin e Papës, pasi pritej që të shkonte në Beograd për të takuar djalin e Presidentit Donald Trump”, shkruan lapsi.al
Thelbi i lajmit të rremë në pjesë e tij të dytë është se mediat theksojnë se ai lajm ka dalë nga PD.
Konteksti
Lajmi rreth një dështimit të Ramës për të takuar Trump Jr. është ripublikuar nga politiko.al që ka për editor drejtuesin e marrëdhënieve me Publikun në PD, Alfred Lela dhe vetë Richard Grenell ka përgenjështruar në X duke iu referuar këtij ripublikimi dhe jo publikimit të parë që është tjetër portal.
Politiko.al ka hequr shkrimi dhe ka bërë shpjegimet përkatëse. “Në pamundësi për të verifikuar burimet e lajmit, dhe duke qene se nuk eshte as lajmi yne, por nje ribotim, POlitiko.al e hoqi lajmin nga faqja duke repsektuar dhe mirëkuptuat palët e përmendura dhe çdo cenim imazhi që mund t’u jetë bërë”, shkruan politiko.
Në të njëjtën ditë disa televizione dhe portale që janë nën monitorim nga qTIL kanë rimarrë këtë subjekt duke pasqyruar një deklaratë të kryeministrit Rama rreth përgenjështrimit të Grenell dhe Trump Jr. Ndërsa Rama nuk e thekson asnjëherë qartë se burimi i lajmit është PD, dy televizione dhe tre portale e thonë këtë që në titull ose që në paragrafin e parë të lajmit.
Subjekti i mësipërm ka ngjallur interes jo vetëm për shkak se përfshin figura të rëndësishme të liderhsipit amerikan por se ka një ndryhsim raportesh të opozitës në Tiranë me SHBA, çfarë lexohet si një dobësim të pozitave të kryeministrit Rama në Uashington.
Fluksi i lajmit
Lajmet janë publikuar kryesisht në faqet në internet por edhe ne platformat e tjera sociale dhe you tube. Vizion plus ka 433K në Facebook dhe 224K në Instagram, 883 K në You Tube. Top Channel ka 3.04M ndjekës në You Tube, 1.5M ndjekës në Facebook, 676K në Instagram; Javaneës ka 56K në Facebook dhe 900 ndjekës në Instagram, Neësbomb ka 63K në Facebook, 52K në Instagram, Lapsi.al ka 166K në facebook dhe 18.3K në Instagram; Richard Grenell ka 1.7M ndjekës në X dhe Trum Jr ka 15M ndjekës në X.
Si është lajmi
Nuk ka burime alternative për të verifikuar lajmin në lidhje me lobimin e Grenell për Ramën në favor të një takimi të këtij të fundit me djalin e Presidentit amerikan Trump.
Po ashtu është e sigurtë se lajmi nuk ka dalë nga PD. Mediat e mësipërme nuk kanë dhënë asnjë fakt në lidhje me këtë, por veçse e mbështetin alibinë e tyre duke bërë lidhjen mes përgenjështirmit të Grenell për Lelën që është ndërkohë edhe drejtues i komunikimit në PD. Por asnjë nga mediat nuk e ka përmendur këtë fakt në mënyrë që të krijojnë lidhje mes asaj që ata kanë shpallur si lajm dhe kontekstit.
Shqyrtimi i mesiperm është zhvilluar me mbështetjen e projektit rajonal “SMART Balkans – Shoqëria Civile për Vlera të Përbashkët në Ballkanin Perëndimor” të zbatuar nga Centar za promociju civilnog društva (CPCD) në bashkëpunim me Instituti për Demokraci dhe Ndërmjetësim (IDM),dhe Qendra për Kërkim dhe Politikëbërje (CRPM) dhe i mbështetur financiarisht nga Ministria e Punëve të Jashtme të Norvegjisë (NMFA). Përmbajtja e shqyrtimit te mesiperm është përgjegjësi e vetme e zbatuesve të projektit dhe nuk pasqyron domosdoshmërisht pikëpamjet e Ministrisë së Punëve të Jashtme Norvegjeze (NMFA). Qendra per Transparence dhe Informim te Lire (qTIL)
