Cfarë ka ndodhur:
Televizioni Vizion plus ka transmetuar një lajm në lidhje me tryezën ndërqeveritare të Shqipërisë me Komisionin Evropian mbajtur me 14 maj 2025 në Luksemburg. Lajmi lidhet me hapjen e një grup kapitujsh të rinj mes Shqipërisë dhe BE-së. Pas takimit, Komisionerja për Zgjerim në BE, Marta Kos, dha një konferencë të përbashkët për mediat me kryeministrin Edi Rama dhe ministrin e Jashtëm të Polonisë, Radosław Sikorski.
Ajo vlerësoi progresin e Shqipërisë në rrugën drejt BE.
Vizion plus e citoi atë të ketë thënë:
“Shqipëria është histori suksesi, në proces. Zhvillimi i sotëm është më i vlefshësm se sa ti shtosh thjeshtë BE-së një vend më tepër. Ky i sotmi është njëri nga shumë prej premtimeve të këtij viti. Shpresojmë që brenda vitit të çelim të gjithë grupkapitujt negociues dhe vitin tjetër t’i mbyllim të gjitha”.
Në fakt Kos ka thënë dicka tjetër që është larg nga citimi i mësipërm.
Sipas zyrës së shtypit të qeverisë së Shqipërisë që ka bërë zbardhjen e gjithë konferencës së shtypit, Kos ka thënë:
“Thirrja ime per veprim është që të kremtojmë çdo hap të vogël të hedhur sepse kjo ditë është më e rëndësishme se kurrë dhe do donim që të çelim të gjithë kapitujt negociues dhe të nisnim të mbyllnim kapituj sepse plani është që të çelim të gjithë kapitujt këtë vit dhe pastaj nga viti tjetër të nisim t’i mbyllim”.
Konteksti
Shqipëria ka hapur më 14 prill një grup kapitujsh të rinj për të plotësuar kushtet e anëtarësimit në BE. Komisioni Evropian kishte planifikuar të hapeshin këta kapituj në mars por për arsye ende të paqarta u shty hapja e tyre në mes të prillit. Shqipëria ka nisur fushatën zyrtare të zgjedhjeve parlamentare me 11 prill dhe kryeministri i Shqipërisë që drejton partinë më të madhe në vend ka si linjë kryesore të tij anëtarësimin e Shqipërisë në BE.
Një kërkim më i thellë
Vizion plus është një televizion gjeneralist që ruan në pëgjithësi paanësinë në transmetimin e lajmeve politike.
Fluksi i lajmit
Vizion plua ka 433K në Facebook dhe 224K në Instagram, 883 K në You Tube. Lajmi në Youtube ka pasur 173 shikime, ndërsa nuk është shpërndarë në rrjete sociale.
Si është lajmi
Lajmi i transmetuar nga Vizion plus është keqinformim. Komisionerja Kos e cituar në mënyrë të tillë krijon idenë se deklaratat e Kryeministrit për përafrim me BE në 5 vite është realiste. Ajo, ashtu sic është cituar, shkon krahas me deklaratat e Ramës në Shqipëri, deklarata që janë përfshirë ne taktikat elektorale për të tërhequr sa më shumë mbështetës për zgjedhje e 11 majit. Referimi i gabuar i Kos besohet të jetë bërë me qëllim për të perafruar qëndrimet e saj me deklaratat e Ramës në Shqipëri.
Shqyrtimi i mesiperm është zhvilluar me mbështetjen e projektit rajonal “SMART Balkans – Shoqëria Civile për Vlera të Përbashkët në Ballkanin Perëndimor” të zbatuar nga Centar za promociju civilnog društva (CPCD) në bashkëpunim me Instituti për Demokraci dhe Ndërmjetësim (IDM),dhe Qendra për Kërkim dhe Politikëbërje (CRPM) dhe i mbështetur financiarisht nga Ministria e Punëve të Jashtme të Norvegjisë (NMFA). Përmbajtja e shqyrtimit te mesiperm është përgjegjësi e vetme e zbatuesve të projektit dhe nuk pasqyron domosdoshmërisht pikëpamjet e Ministrisë së Punëve të Jashtme Norvegjeze (NMFA). Qendra per Transparence dhe Informim te Lire (qTIL)
