Luks dhe shpenzime për fasadën fërsa Partia Socialiste ka hapur zyrtarisht fushatën elektorale këtë të premte në Sheshin “Skënderbej” në Tiranë.
Kryeministri Edi Rama ka mbërritur në shesh me paraqitje simbolike: kapele dhe bluzë me numrin 5 – një mesazh i drejtpërdrejtë për datën e zgjedhjeve, dhe një xhaketë të zezë mbi të.
Rama kaloi mes mbështetësve, ndërsa në skenë nis prezantimi i kandidatëve për deputetë, fillimisht me qarkun e Dibrës. Çdo qark pritet të ketë prezantimin e vet të veçantë, i shoqëruar me elementë të folklorit vendas, këngë dhe valle tradicionale që i japin ngjyrë të veçantë fushatës së mazhorancës.
Në skenografi bien në sy 12 yje të vendosura simbolikisht në skenë – një referencë e qartë ndaj 12 yjeve të flamurit të Bashkimit Europian. Anëtarësimi i Shqipërisë në BE është shndërruar në një nga premtimet kyçe të kryeministrit Rama për këtë fushatë, duke e lidhur drejtëpërdrejt projektin politik të PS-së me rrugën europiane të vendit. a.b
