Drejtoria Vendore e Policisë Vlorë vuri pranga 1 shtetas dhe procedoi penalisht 2 të tjerë, për vepra të ndryshme penale.
Specialistët e Seksionit për Hetimin e Trafiqeve të DVP Vlorë ndaluan shtetasin Rinald Rakipaj, 40 vjeç, banues në Vlorë, për veprat penale “Marrëdhënia seksuale ose homoseksuale me të mitura” dhe “Nxitja për përdorimin e drogës”, pasi më datë 22 mars dyshohet se ka kryer marrëdhënie seksuale me një 15-vjeçare. Gjithashtu, shtetasi Rakipaj dyshohet se në bashkëpunim me shtetasin F. Q., 33 vjeç (për të cilin ka nisur procedimi penal për veprën penale “Nxitja për përdorimin e drogës”), ka nxitur 15-vjeçaren dhe dy shoqe të saj, 15 dhe 16 vjeçe, për të përdorur lëndë narkotike.
Deraje të reja në lidhje me rastin e adoleshenteve në qytetin e Vlorës, të cilat janë nxitur për të përdorur lëndë narkotike dhe një prej tyre ka rënë pre e abuzimit seksual.
Vajza i ka treguar nënës së saj “gabimin që ka bërë, personat që ishin të përfshirë në të dhe të gjithë skenën”. Më pas e ëma bashkë me vajzën kanë shkuar në polici duke denoncuar rastin, njofton policia e Vlorës.
“Sa i përket mënyrës si ndodhi ngjarja mësohet se vajzat kanë shkuar në një hotel në qytetin e Vlorës me dëshirën e tyre. Njëri prej tyre dyshohet se prej kohësh ka patur komunikim me Rinald Rakipaj që ishte autori i kësaj ngjarje. Më pas ky i fundit ka bindur vajzën e mitur që jo vetëm të shkojë në hotel me të, por edhe të marrë dy shoqet e saj. Të shtyrë nga kureshtja vajzat të nxitura njëkohësisht nga dy personat e përfshirë që edhe ata mes tyre janë miq, kanë konsumuar lëndë narkotike të llojit kokainë. Më pas Rakipaj është ndarë nga grupi me një prej vajzave dhe ka nisur me të abuzimin seksual.
Pas denoncimit në polici efektivët kanë arrestuar 33-vjeçarin i cili është marrë në pyetje. Ai në momentet e para nuk ka pranuar fajin, por i gjendur përballë provave ka pohuar ngjarjen e rëndë duke e pranuar atë dhe duke treguar edhe dinamikën. Autori ka pranuar ngjarjen por është shprehur se me një prej vajzave të mitura kishte komunikim prej kohësh dhe gocat e mitura kanë shkuar vetë në hotel me dëshirë. Sipas tij vajza ka pranuar edhe me dëshirë të kryejë marrëdhënie seksuale. Policia vijon hetimet për rastin në fjalë.
Veprimet procedurale për vajzat janë kryer në prani të prindërve të shtetaseve të mitura, psikologes së DVP Vlorë dhe mbrojtësve ligjorë.
Në drejtimin e Prokurorisë vijojnë hetimet për zbardhjen e plotë të rrethanave të këtij rasti. a.b
