Ambasada e Shteteve të Bashkuara të Amerikës i ka dërguar sot një letër Ministrisë për Evropën dhe Punët e Jashtme të Republikës së Shqipërisë ku e njofton për pezullimin e ndihmës amerikane dhe projekteve fill pas vendimit të Presidentit Teump.
Në letër ambasada shkruan se dëshiron të informojë Qeverinë e Republikës së Shqipërisë mbi synimin e Urdhrit Ekzekutiv të Qeverisë së SHBA-së për të pezulluar zbatimin, detyrimet e reja dhe disbursimin e fondeve në pritje të një rishikimi të të gjitha programeve të ndihmës së huaj. Partnerët e programit dhe zbatuesit e programeve të ndihmës së financuara nga SHBA në Shqipëri po informohen për këtë veprim.
LETRA/ Ky dokument shërben si një njoftim zyrtar për Qeverinë e Republikës së Shqipërisë. Ambasada e Shteteve të Bashkuara të Amerikës kërkon me mirësjellje që ky njoftim të ndahet me të gjitha ministritë përkatëse, institucionet dhe entitetet e tjera qeveritare që bashkëpunojnë në kuadër të programeve ekzistuese të ndihmës së huaj të SHBA-së, përfshirë:
Ministrinë e Financave, duke përfshirë Agjencinë e Inteligjencës Financiare
Ministrinë e Brendshme, përfshirë Policinë e Shtetit Shqiptar, Agjencinë e Mbikëqyrjes Policore, dhe institucione të tjera të sigurisë
Ministrinë e Drejtësisë, përfshirë Shkollën e Magjistraturës, Prokurorinë e Përgjithshme dhe Strukturën e Posaçme Kundër Korrupsionit dhe Krimit të Organizuar (SPAK)
Ministrinë e Infrastrukturës dhe Energjisë, për projektet në bashkëpunim me SHBA
Ministrinë e Arsimit, për programet e shkëmbimit akademik dhe ndihmën teknike
Ministria e Shëndetësisë dhe Mirëqenies Sociale, përfshirë Qendrën e Koordinimit për Luftën Kundër Ekstremizmit të Dhunshëm
Ministria e Bujqësisë dhe Zhvillimit Rural
Ministria e Drejtësisë, përfshirë Drejtorinë e Përgjithshme të Burgjeve
Ministria e Mbrojtjes
Ministria për Evropën dhe Punët e Jashtme
Ministria e Arsimit dhe Sportit
Ministria e Turizmit dhe Mjedisit
Ministria e Shtetit për Rininë dhe Fëmijët
Ministria e Shtetit për Qeverisjen Vendore
Ministria e Ekonomisë, Kulturës dhe Inovacionit
Ministria e Infrastrukturës dhe Energjisë, përfshirë Korporatën Elektroenergjetike Shqiptare (KESH), Operatorin e Sistemit të Transmetimit (OST), Operatorin e Shpërndarjes së Energjisë Elektrike (OSHEE) dhe Bursën Shqiptare të Energjisë (ALPEX)
Ministria e Shtetit për Administratën Publike dhe Antikorrupsionin
Ministria e Shtetit për Marrëdhëniet me Parlamentin
Parlamenti, përfshirë Komisionet e tij
Këshilli i Lartë Gjyqësor
Këshilli i Lartë i Prokurorisë
Gjykata Kushtetuese
Gjykata e Lartë
Të gjitha gjykatat, përfshirë Gjykatat e Apelit, Gjykatat Administrative të Apelit dhe institucionet e tjera të drejtësisë
Ambasada e Shteteve të Bashkuara mbetet e përkushtuar ndaj bashkëpunimit me Republikën e Shqipërisë dhe do të njoftojë Qeverinë shqiptare për çdo zhvillim të mëtejshëm lidhur me rishikimin e programeve të ndihmës së huaj.
Ambasada e Shteteve të Bashkuara të Amerikës përfiton nga ky rast për të ripohuar konsideratën e saj më të lartë për Ministrinë për Evropën dhe Punët e Jashtme të Republikës së Shqipërisë. m.k
