Senati italian ka ratifikuar marrëveshjen e dy qeverive Shqipëri-Itali me 93 vota pro dhe 61 kundër, duke kaluar kështu edhe procedurën e fundit për të ngritur në Lezhë ‘Gjadrin afrikan të Italisë’.
Pak muaj më parë kryeministrat Rama dhe Meloni nënshkruan në Romë një marrëveshje ku parashikohet mbajtja e vazhdueshme e 3000 emigrantëve afrikanë që do të tentojnë Italinë përmes detit.
Marrëveshja është e vlefshme për 5 vite, çka do të thotë se në vendin tonë priten të vijnë 36 mijë refugjatë çdo vit, me opsion rinovimi edhe për 5 vite të tjera.
Ardhja e refugjatëve pritet të nisë në muajt e pranverës së këtij viti. Gjykata Kushtetuese e Shqipërisë e cilësoi marrëveshjen si të ligjshme ku nuk shkelen nenet e Kushtetutës pas një padie të opozitës në Parlament. a b
