Burime pranë autoriteteve shqiptare i thanë po ashtu Zërit të Amerikës, se më pas zoti Ahmetaj, ka prerë online një biletë avioni për në Itali, por që nuk e ka përdorur. Burime të tjera, të pakonfirmuara zyrtarisht, tregojnë se nga verifikimet e sinjalit të celularit të tij, momenti i fundit i vendndodhjes rezulton të ketë qenë Kanadaja.
Edhe kryetari i grupit parlamentar të PD, Gamend Bardhi në mbledhjen e Këshillit të Mandateve, ka pyetur për këtë, duke hedhur hipotezën si Ahmetaj është në Kanada.
Lëvizjet e tij të premten tregojnë largimi i tij mund të jetë përfundimtar, për t’i shpëtuar përballjes me drejtësinë.
Ish zëvendëskryeministri, akuzohet për korrupsion, mosdeklarim apo fshehje të pasurisë si dhe për pastrim të produkteve penale.
Dëshmia e tij pritej me interes të madh dhe mund të ndikonte edhe rrëzimin e qeverisë. Për mazhorancën është më mirë që ai nuk do të që drojë në Shqipëri, ndërkohë që vendimi i Nikollës sonte në Parlament i jep mundësinë Ahmetajn të rehatohet në ndonjë vend pa mundësi esktradimi duke kaluar kufinjtë pa vështirësi për sa kohë kuvendi po vonon lëshimin e urdhërarrestit. m.k
