Lulzim Maja, një ndër personat që denoncoi Rrahjat për dëmtimin e shtëpive nga gurorja e tyre është kërcënuar përmes rrjeteve sociale.
Ai është paraqitur sot pranë Sektorit për Hetimin e Krimeve Kibernetike në DVP Tiranë ku ka kallëzuar se në llogarinë e profilit të tij në Facebook ka marrë disa mesazhe me përmbajtje kërcënuese, nga një llogari e panjohur.
“Pas kallëzimit të marrë nga 43-vjeçari, specialistët e Sektorit për Hetimin e Krimeve Kibernetike kanë referuar materialet në Prokurorinë pranë Gjykatës së Shkallës së Parë të Juridiksionit të Përgjithshëm Tiranë, për veprat penale “Kanosja” dhe “Përdorimi me keqdashje i thirrjeve telefonike”, për veprime të mëtejshme procedurale”, njoftoi policia e Tiranës. a.b
