Kryetari i FRPD-së, Besart Xhaferri ka bërë një analizë për rënien e euros në Shqipëri.
Sipas tij, euro ka qënë viktimë e Narko Ekonomisë së Rilindjes!
Analiza e Xhaferrit: Rënia e Euros në 7 vite me gati 25% ka krijuar një krizë të thellë tek bizneset Shqiptare, familjet që mbahen me remitanca apo edhe zhvlerësim të kursimeve bankare që familjet kanë pasur!
Dëmet janë kolosale dhe kush kupton sado pak ekonomine e di që kjo nuk ka ndodhur rastësisht!
Ju lutem gjeni në 4 fotot që kam postuar shpjegimin e thjeshtë dhe mos u mashtroni nga ministria e Financave që thote se kjo ka ndodhur se Euro është e dobët dhe investimet e huaja në Shqipëri janë rritur!
Janë mashtrime!
Foto 1: Euro në 2016 ka qenë 137.06 Lek.
Foto 2: Euro sot është 104.75 Lek
Foto 3: Euro në 2016 ka qenë 61.06 Dinar Maqedonas
Foto 4: Euro sot është 61.49 Dinar Maqedonas!
Investimet e huaja në Maqedoni janë shumë më të mëdha se në Shqipëri! Zona industriale në Shkup është një realitet dhe eksporti i Maqedonis në industri të ndryshme është po ashtu më i madh!
Ajo që i mungon Maqedonisë është lakimi i emrit të Kryetarit të Bashkisë së Shkupit në pergjimet e klaneve Kalabreze nga antimafia Italiane!
Ajo që i mungon Maqedonisë janë qindra tonë kokainë të eksportuara në vit!
Ajo që i mungon Maqedonisë janë dhjetra milion metra katror betonë të investuar nga paraja e drogës dhe korrupsionit.
Ajo që i mungon Maqedonisë janë miliarda Euro të investuara në zgjedhje elektorale 10 vitet e fundit!
Këto janë arsyeja pse Euro, Poundi dhe Dollari bien vetëm në Shqipëri, në El Doradon e Drogës!
Arkitekti i kësaj është vetëm Edi Rama!
