Media belge EuReporter ka fshirë shkrimin e paguar kundër Monika Kryemadhit, raporton syri.
Në një artikull të publikuar këtë të mërkurë, portali akuzonte deputeten e PL, Monika Kryemadhi se ka përfituar pagesa nga një kompani ruse me cilësinë e aksioneres të kompanisë e regjistruar si guackë në parajsa fiskale.
Por disa orë më pas ka hequr shkrimin.
Mësohet se artikulli është hequr disa minuta pasi Kryemadhi i dërgoi një e-mail redaksisë së EuReporter ku i kërkonte vënien në dispozicion të provave dhe ndjekjen e çështjes në një gjykatë civile ndërkombëtare.
Në mungesë të provave dhe fakteve për të argumentuar pretendimet në artikull, EuReporter ka vendosur të fshijë lajmin.
Kjo sepse gjithçka ka qenë e sponsorizuar nga Tirana si sulm politik ndaj Kryemadhit, në kulmin e aferës së inceneratorëve dhe kur pritet të kryhen arrestime të reja nga SPAK.
Lidhja e ‘Eu Reporter’ me kinezët dhe shkrimet e paguara
“EU Reporter”, një faqe lajmesh me bazë në Bruksel, publikoi këtë të mërkurë një artikull për ndikimin e oligarkëve rusë të lidhur me Kremlinin në Ballkanin Perëndimor dhe përpjekjet e tyre për të ndikuar në politikë.
Në artikullin e saj EU Reporter ka akuzuar krejt papritur e në kulmin e hetimeve për inceneratoret, pikërisht Monika Kryemadhi, duke aluduar se ka marrë një sërë pagesash në vitin 2017 nga kompani të kontrolluara nga biznesmenë rusë të naftës.
Por çfarë përfaqëson EU Reporter?
Ky portal është i njohur si faqe që publikon komunikatat e kompanisë kineze Huaëei. Dhe madje si portal lobimi, që boton shkrime të paguara.
Faqja ëikipedia e portalit e tregon këtë.
Me pak fjalë rezulton se portali është në shërbim të kompanive kineze.
Madje rezulton se portali ka punuar edhe me partinë komuniste kineze dhe ka pasur kontratë me gazetën zyrtare People’s Daily.syri.net
