Kreu i PD, Sali Berisha tha sot në një takim me demokratët e Tiranës se familjarët e Ramës të zhytur në tendera. Thjeshtra dhe baxhanaku marrin miliona euro nga shteti.
Deklarata:
420 mln euro ka firmosur djegësat, nuk ekziston asnjë djegës në Tiranë. 120 mln djegësi i Tiranës, që në kontratë duhej të ndërtohej nga privati, asnjë para nuk ka vënë privati, të gjitha nga buxheti i shtetit, të gjitha të vjedhura, asgjë nuk është ndërtuar. Paratë kalojnë në Holandë, nga Holanda në ofshore në kontot e Erion Veliaj dhe Edi Ramës.
Merrni tenderat familjarë. Ligji nuk lejon që familjarët e kryeministrit të marrin pjesë në tendera, nuk mund të marrin. Jo, familjarët e tij janë të zhytur në tendera. Baxhanaku i tij me dhjetëra, qindra milionë euro në tendera. Del dhe thjeshtra tani, të gjitha kompanitë ku punon thjeshtra, të gjitha tenderat e ministrisë së Kulturës dhe bashkisë.
Nuk ka kufi, nuk ndalet me asgjë. Po pse thotë Komisioni i Kontrollit të Shtetit, sepse KLSH e ka të qartë siç e ka të qartë çdo qytetar shqiptar, se kurrë një kilometër rrugë nuk mund të kushtojë 22 mln euro, apo 24 mln euro. Se tuneli në Krrabë i standardeve më të shkëlqyera ka kushtuar 14 mln euro km, se tuneli në Kalimash i standardeve më të shkëlqyera ka kushtuar 18 mln euro km, duke qarë shkëmb, kurse këtyre në fushë u kushton 22 mln euro kilometri.
Po pse thotë KLSH se kanë vjedhur 122 miliardë, sepse rrugët anësore Lekaj-Fier, kushtojnë 7 mln euro kilometri, në një kohë kur autostradat Lushnje-Fier ka kushtuar 1.2 mln, autostrada Kavajë-Lushnje ka kushtuar 1.5 mln dhe me radhë.
Ndaj dhe këta vjedhin buxhetin sikur ta kenë të familjes së tyre, por rroga, pensionet nuk i rrisin. Shqiptarët, largohen dhe largohen, krijon kushte për largimin e shqiptarëve.
Edi Rama me qëndrimet e tij, largoi në 8 vite 937 mijë shqiptarë vetën në hapësinë e BE-së, 35% të popullatës në të gjitha vendet e marra së bashku. Duhet të bëjmë gjithçka për largimin e tij. a.b
