Kandidati i PD për Tiranën Belind Këlliçi dhe deputeti Oerd Bylykbashi ndodhen për një vizitë në SHBA ku ndër të tjera takuan edhe kongresmenin republikan Michael Guest.
”Bashkë me Oerdin u takuam me Kongresmenin Republikan Michael Guest nga Mississippi. Diskutuam gjerësisht rreth çështjeve aktuale si Sundimi i Ligjit dhe Zgjedhjet Lokale të 2023. E informuam Kongresmenin rreth krizës në vend dhe kapjes së sistemit politik dhe atë të drejtësisë nga partia në pushtet.
Gjithashtu patëm mundësi të flisnim edhe për skandalin e korruptimit të agjentit të FBI McGonigal nga Edi Rama”, shkruan Këlliçi ndërsa shton se takimi u mbyll me mbresat më të mira dhe me besimin se Shqipëria do të dalë shumë shpejt nga ky udhëkryq. a.b
