Policia e Kurbinit arrestoi sot një person që një ditë më qëlloi me armë zjarri, gjatë një konflikti verbal në një mbledhje të PD lokale.
Si rezultat i kontrolleve, u bë i mundur lokalizimi, kapja dhe arrestimi në flagrancë i shtetasit Van Rica, 53 vjeç, banues në Kurbin, punonjës i SHPSF-së.
Ky shtetas, gjatë takimit për zgjedhjet primare, të zhvilluar nga dega lokale e një subjekti politik, në Kurbin, pas një debati, ka qëlluar me armë zjarri në drejtim të derës dhe më pas është larguar.
Në cilësinë e provës materiale është sekuestruar arma e zjarrit tip pistoletë.
Materialet procedurale iu referuan Prokurorisë pranë Gjykatës së Rrethit Gjyqësor Kurbin, për veprime të mëtejshme, për veprat penale “Kanosja”, “Mbajtja pa leje e armëve, armëve shpërthyese dhe e municionit” dhe “Prishja e qetësisë publike”. a.b
