Kreu i PD, Sali Berisha kërkoo sot që policia të mos provokojë protestuesit pasi do marrin ndëshkim ligjor. Edi Rama të mendojë dorëheqjen sa më parë!
Komunikimi me gazetarët i Kryetarit të Partisë Demokratike, Sali Berisha, pas tryezës së tretë me Shoqërinë Civile dhe promovimit të librit “Shqipëria në rrezik – çfarë mund të bëjmë”?
”Paralajmëroj të gjithë llojet e policive se çdo presion, çdo qëndrim, çdo përpjekje për të intimiduar, për të dhunuar, për të penguar popullin opozitar do të regjistrohet dhe do të marrë ndëshkim personal të merituar ligjor. Paralajmëroj të mos provokojnë protestuesit. Është e vërtetë që vapa dhe temperatuart janë të larta, por më të larta janë temperaturat e brendshme të njerëzve që vijnë dhe protestojnë kundër këtij regjimi. Nesë pra është një ditë e madhe. Nesër është një ditë frymëzimi, një ditë beteje të vërtetë, opozita zbret në shesh si opozitë e vërtetë pas kaq vitesh. Edi Rama është i ftuar të mendojë dorëheqjen e tij sa më parë”, tha Berisha në një bisedë me gazetarët pas takimit të tretë të shoqërisë civile e bashkuar në koalicionin “Shqipëria në rrezik”.
Pyetje: Z.Berisha, në lidhje me agjendën, do të niseni nga selia blu? Dhe nëse keni biseduar me kryetarët e degëve, sa do të jetë numri i protestuesve nesër?
Sali Berisha: Më lejoni të përshëndes para jush autorët e himnit të protestës së 7 korrikut, Renis Gjokën dhe Big Bastën. Të cilët me një pasion dhe me kreativitet i dhanë protestës barrakudën e saj.
Pyetje: Cilët do të jenë skenarët e protestës së nesërme? Do tentohet hyrja në Kryeministri? Sa do të jenë numri i pjesëmarrësve?
Sali Berisha: Pjesëmarrësit kam një numër që do të jetë një protestë gjigante, masive, por që të më kërkoni numër të saktë mua, mos gaboni, se dy gjëra nuk merrni kurrë nga unë, përqindje, parashikime në përqindje dhe numër.
Pyetje: Cili do të jetë skenari i protestës?
Sali Berisha: Skenari i protestës është i qartë, betejë për lirinë dhe kundër padrejtësive të mëdha me të cilat përballen këta qytetarë.
Pyetje: Zoti Berisha, në këtë protestë ju do të udhëhiqni, apo do të udhëhiqeni?
Sali Berisha: Të gjitha opsionet janë të mundshme, plotësisht, edhe të udhëheq edhe të më udhëheqin.
Pyetje: Të nesërmen e protestës…?
Sali Berisha: Beteja vazhdon. Nuk ka të ndalur! a.b
