Gruaja 90-vjeçare nga Prrenjasi u bë e njihur vetëm një ditë më parë pasi kryearja e LSI. Monika Kryemadhi publikoi një ndër skandalet më të mëdha në vend, pastrimin e miliona eurove nga inceneratorët përmes kompanive fantazmë.
Haxhire Gurakuqi, 90 vjeç mohoi lidhjen e saj me kompanitë “Lumi 2006” apo “Sopotonia”, me të cilat u pastruan një pjesë e parave që disburson shteti për kompanitë e inceneratorëve, (gati 80 mijë euro në ditë).
Ajo jeton në azilin e të moshuarve, në pritje që shtëpia e dëmtuar nga tërmeti, t’i rindërtohet. Ka punuar gjithë jetën ndihmësmjeke dhe nuk ka pasur kurrë një biznes bile nuk ka qenë kurrë as në Lezhë, në vendin ku është kompania në pronësi të saj. Ndërkaq më dokumenta rezulton bashkë me një bashkëmoshtar të saj Thanas Çani, pronarë të një biznesi me vlerë 30 milionë euro.
“I gjithë Përrenjasi më mori në telefon. Më thanë; ‘ç’është ky muhabet?! S’dimë gjë që ke qenë biznesmene. Ti ke qenë mjekja jonë’-më thanë. Më thanë; ‘mos ki merak se ne të besojmë”, pohoi e moshuara për syri tv.
Ajo i ka shkruar Edi Ramës për këtë gjë.
“I shkruajta dhe i thashë; kështu ma kanë bërë. S’kam marrë përgjigje nga Rama. I shkruajta me zarf dhe ia çova. Shkova në Poste me rekomande ia çova. I çova dhe drejtorit të Tatimeve, se; nuk jam biznesmene. As ai nuk mu përgjigj. Shkova dhe te këto Tatimet këtu te 9-Katëshet. Më ndihmuan, më dhanë; shko te drejtori të Stadiumi Dinamo. Shkova atje dhe s’më futën brenda fare. Më thanë; mos firmosje! Flisja me atë si roje aty. Ata më thanë se ishin të prokurorisë. Ju ktheva atyre dhe i thashë kështu, kështu; ata më thanë; O moj nënë, ti je viktimë. I thashë; ‘E di dhe vetë që jam viktimë’. Ça të bëj. Pështy përpjete më bie syve, pështy poshtë më bie kraharorit, t’i themi derrit dajë. Por i thashë; se lë me kaq, se do t’i hedh në gjyq. Ai Shina më vjen të shoh, që jam biznesmene, po ai është hajdut. Po të rrëmohet do ketë dhe të tjerë si puna ime! I ka futur ato dhe ndajnë lekët sëbashku”, tha ajo gjatë intervistës.
Ajo tregon se si dy djem i shkuan në azil dhe iu prezantuan si zyrtarë të Prokurorisë. Për ta, ka firmosur disa dokumente, sepse në bankë kishte 600 mijë lekë të vjetra të bllokuara.
“Më vijnë dy djem këtu, më thanë jemi të prokurorisë, kemi ardhur për punën e atyre lekëve që të kanë bllokuar. Më dhanë dokumente për të firmosur, i besova se thanë jemi të prokurorisë. Më thanë që do kisha mundësi të merrja paratë e mia. Drejtori më bëri një shenjë, po unë e kuptova vonë. Ma bëri me dorë, që mos e firmos. Por unë e kisha firmosur. Ishin dy persona. Kam dyshime tani. Marrin pasaportat, japin lekët dhe marrin pasaportat. E gjitha që më kanë bërë, është mashtrim, hajdutët. Pasi firmosa, as kursimet e mia nuk i mora”, tha ajo.
Gazetari Klodian Tomorri thotë se zbulimi i rastit të Haxhire Gurakuqit duhet çuar më tej, pasi me të njëjtat kompani kanë prodhuar fatura fiktive edhe kompani të mëdha të ndërtimit.
“Kjo eshte nje skeme e madhe evazioni, qe e ka patur qendren ne Lezhe dhe Lac. Jane nje sere kompanish te krijuara ne vitin 2016- 2017, qe kane bere vetem kete pune. Kane 6 vjet qe i heton prokuroria. Dhe cuditerisht nuk kapi dot asnje ndertues aty brenda” tha Tomorri.
Kryetarja e LSI, Monika Kryemadhi, denoncoi sot një skemë të pastrimit të parave të inceneratorëve me fatura fiktive. Për të justifikuar pagesat që marrin nga shteti, Klodian Zoto dhe Stela Gugallja kanë përdorur disa kompani që kanë kryer evazion fiskal në vlera të mëdha parash.
Një prej pronareve të këtyre kompanive ishte edhe 90 vjeçarja Haxhire Gurakuqi, që rezultoi me një biznes 30 milionë dollarë.a.b
