Kryeministri Rama është pyetur sot nga disa biznesmenë hollandezë në Amsterdam në lidhje me stabilitetin politik në Shqipëri ndërsa kryeministri u shpjegoi atyre se nuk ka asnjë problem stabiliteti dhe se ka ndërtuar një skuadër brenda rrethit të tij.
Kjo skuadër thirret rripi i zi dhe përbëhet nga persona të seleksionuar që kryejnë në kohë të rrufeshme kërkesa të llojeve të ndryshme.
Rripi i zi punon për klientët e agjencisë së Investimeve.
Shpjegimi i Ramës:
Sa i takon stabilitetit politik, po, kemi ndonjëherë protesta në 2000 metërshin katror të sheshit përballë zyrës së kryeministrit sepse jemi një vend ku të gjithë janë kryeministra më vete dhe ndonjëherë, kryeministri i vërtetë është shumë bezdi, por nuk çon kurrkund, është thjesht një element spazmatik i jetës sonë. Unë mendoj që ajo çka po kaloni me fermerët sot për sot në Shqipëri do quhej dhunë brutale kështu që nuk ka asgjë për tu shqetësuar për stabilitetin politik në përgjithësi dhe asgjë për tu shqetësuar për faktin që jeni i huaj apo një kompani e huaj sepse ne kujdesemi mirë për kompanitë e huaja dhe në përgjithësi marrim komente të mira prej tyre.
Ajo çka kemi bërë dhe bëjmë zakonisht me investuesit e mëdhenj është që kemi krijuar një të ashtuquajtur skuadër të rripit të zi, një skuadër të përbërë nga përfaqësues të ndryshëm të institucioneve të ndryshme, që merren drejtpërdrejtë me një projekt të caktuar dhe bëhen zyra mbështetëse e kompanisë. Pra, kompanisë nuk u duhet të shkojnë askund, nuk i duhet të shkojë tu trokasë dyerve për dokumentacion, nuk u duhet tu trokasë dyerve për licenca, nuk i duhet të presë, por është kjo skuadër e rripit të zi, që do të thotë nëpunës civilë të shtetit, që punojnë së bashku për të siguruar gjithçka për kompaninë.
Nuk mendoj se stabiliteti apo performanca burokratike përben problem për ndonjë kompani serioze.
