Ish ministri Genc Pollo konsideron se transferimi i festivalit ndërkombëtar “Sunny Hill” nga Prishtina në Tiranë e dëmton Kosovën.
“Një festival muzikor në Prishtinë apo Tiranë nuk do të kishte shumë rëndësi.
Por një eveniment ndërkombëtar në Prishtinë është më i rëndësishëm e më i dobishëm në Prishtinë. Sepse direkt e indirekt kontribuon në Kosovën si subjekt ndërkombëtar, si shtet sovran e i pavarur.
Joshja e transferimi i #SunnyHillFestival në Tiranë nga Rama e Veliaj mund të kënaqë shumë fansa këtu e të mërzisë ata në Prishtinë.
Por Kosovën, ende të pastabilizuar krejt ndërkombëtarisht për shkak të Serbisë së Vuçiçit, e demton jo pak.
Mbasi e ka dëmtuar shumë me BallkanHapu! Tok me Vuçiçin!
Vazhdojnë në një linjë”, komenton Genc Pollo. a.b
