Ish kryeministri, Sali Berisha tha në syri tv në emisionin Cim Peka live se ishte totalisht dakord që Lulzim Basha të kandidonte në zgjedhjet për kreun e PD-së që pritet të mbahen dhe se ndihej komod përballë me të.
Pyetje: Do ndiheshit jo-komod nëse përballë jush për kreun e PD kandidon edhe Basha?
Sali Berisha: Nuk ka asnjë pengesë që të kandidojë, e kam thënë. Unë atë që e them, i bindur të jesh që mbahen. E kam thënë me kohë që Lulzim Basha ka të drejtë të kandidojë në të gjitha forumet përfshi edhe për kryetarin e partisë Demorkatike dhe do ndihesha komod nëse ai kandidonte.
Në vijim Berisha tha se po të bëhej një krahasim mes Fatos Nanos dhe Edi Ramës sa i takon vjedhjeve në buxhetin e shtetit, atëherë ky i fundit do të bënte që Nano të dukej si “hajdut xhepash”.
Pyetje: A i keni rënë në qafë Fatos Nanos krahasuar me Edi Ramën sa itakon vjedhjeve të kryera?
Berisha: Ai del hajdut xhepash po ta krahasosh me Ramën. Edi Rama është i tmerrshëm për këtë punë.
