Bllokimi i hetimit për incineratorët nga PS ka sjellë reagimin e kryetares së komisionit, Jorida Tabaku.
“Vota kundër e PS, mburojë politike për aferën e Edi Ramës dhe ministrave të tij. Dhunon të drejtën e opozitës për hetim parlamentar”, deklaroi Tabaku.
Deklarata e Tabakut:
Fatkeqësisht Partia Socialiste votoi kundër hetimit të aferës së inceneratorëve që sot ka përpara drejtësisë, një Ministër, z. Lefter Koka. Për tre orë jam përpjekur që t’I kërkoj kolegëve socialist t’i thërrasin arsyes dhe të votojnë planin e hetimit. Nuk ka asnjë arsye se përse t’i fshihen sot hetimit Edi Rama, Arben Ahmetaj, Damian Gjiknuri, Shkëlqim Cani, Engjëll Agaçi, Armando Subashi por njëkohësisht edhe Qazim Sejdini.
Partia Demokratike prezantoi sot një plan hetimi me rreth 20 dëshmitarë. Kërkojmë thjesht që të zbatojmë rreguloren. Që të gjithë kanë qenë present ku me ditë dhe javë me rradhë kam kërkuar që të vijë informacion nga të gjitha institucionet shtetërore I cili ka munguar, të vijë informacion nga sektori banker, Kompania konçesionare, nga Drejtoria e Tatimeve për pagesat. Ne kemi shumë infomacione që kanës ardhur në rrugën jo zyrtare, por ne kemi preferuar që të ndjekim rrugën zyrtare.
Ky Komision Hetimor ka një fitore të vogël, që është arrestimi i Lefter Kokës që erdhi pas padisë së Partisë Demokratike. Padi e cila sot ka çuar përpara drejtësisë një person.
Unë gjykoj, që ë zbatim të Rregullores së Kuvendit, të zbatim të Komisioneve Hetimore, në zbatim edhe të vendimit të Kuvendit, PS duhej të na lejonte ne ta vazhdonim hetimin për tre muaj.
Fatkeqësisht kjo e drejtë nuk u lejua.
Sot PS me votën kundër hetimit në Komisionin e Inceneratorëve doli mburojë e Edi Ramës e tre ministrave të përfshirë, doli mburojë edhe e Lefter Kokës që sot është para drejtësisë. Nqse ne në fillim të Komisionit Hetimor flisnim për akuza për korrupsion, ne sot flasim për korrupsion.
Ne sot flasim për grup të strukturuar kriminal, flasim për një çështje që PD kishte të drejtë. Vota kundër e PS tregon mbrojtjen politike që po i japin dhe i kanë dhënë në filim të kësaj afere. Tregon faktin që janë të gjithë të përfshirë Brenda përndyshe nuk e nuk e justifikoj për të mos zbatuar rregulloren dhe për të pasur hetimin deri në datën 24 shkurt siç e lejon Ligji dhe Rregullorja, ashtu siç është bërë me çdo komision tjetër hetimor deri më sot.
PD është vendosur që të vazhdojë denoncimin e kësaj afere, të vazhdojë të çojë prova të tjera në SPAK, është e vendosur që të bëjë publike të gjithë informacionin që ka ardhur deri më sot në Komisionin Hetimor në rrugë zyrtare dhe jo zyrtare deri kur personi I fundit I përfshirë në këtë aferë që në gjykimin tonë është Edi Rama, të shkojë përpara drejtësisë.
Jo të gjithë qytetarët kanë dijeni për aferën e inceneratorëve, se në fakt, gjatë këtyre gjashtë viteve që PD e ka denoncuar, jo shumë media kanë arritur që ta shfaqin atë.
Jo shumë qytetarë kanë dijeni për vetë faktin se incenratorët fatkeqësisht kanë depërtuar edhe në media. Dua t’ju falenderoj ju sot këtu, ato media që e kanë ndjekur në mënyrë periodike këtë çështje, ato media që sot janë përpara drejtësisë, të akuzuar nga kompnia e inceneratorëve, dua të falenderoj më shumë të gjithë ata që kanë pasur guximin që të flasin për aferën e inceneratorëve.
Ndjej keqardhje për mbrojtjen politike të PS-së se si ngritën dorën për të votuar kundër hetimit të 430 milionë eurove. Secili prej nesh do të kishte dalë përtej axhendës politike dhe partiake secili prej nesh duhej të kishte votuar edhe për integritet personal për t’I vazhhduar hetimet dhe për të çuar përpara drejtësisë këtë aferë.
Mua dhe PD nuk na ndalon kjo por edhe për afera të tjera që ne kemi denoncuar, thjesht na tregon se beteja jonë ka qenë e drejtë dhe beteja që janë të gjithë të përfshirë, nga Edi Rama, Engjëll Agaçi, tre ministrant, tre kryetarët e Bashkive, duhet t’i japë sinjal SPAK-ut që të vazhdojë tek ata persona të cilët kanë pushtet.
Pyetje: A quhet I mbyllur hetimi me këtë votim sot?
Jorida Tabaku: Fatkeqësisht PS me votën kundër nuk do të na lejojë ne që ta vazhdojmë proçedurën e hetimit. Unë i bëj thirrje SPAK-ut që të vazhdojë dhe të hetojë persona të cilët kanë pushtet. Deri më sot Lefter Koka i cili është paraqitur përpara SPAK i cili është nën hetim dhe I arrestuar është pa pushtet. Është një ish-deputet i PS-së. SPAK duhet të tregojë guxim, duhet të tregojë vendosmëri, SPAK duhet të çojë përpara drejtësisë edhe ata që kanë pushtet. SPAK duhet të tregojë se nuk ka mbrojtje politike për askënd. Nqse nuk e bën këtë, nuk çon përpara drejtësisë ata që janë të përfshirë dhe të dokumentuar me prova dhe fakte në aferën 430 milionë euro të inceneratorëve atëherë tregon se SPAK nuk e ka guximin e duhur, vendosmërinë për të luftuar korrupsionin. Korrupsioni I inceneratorëve duhej të ishte një këmbanë alarmi për buxhetin e shtetit sepse në të ardhmen rrezikon të gjithë financat locale të 6 bashkive që janë të përfshira dhe rrezikon të gjithë buxhetin e Ministrisë së Financave.-Sot 1/3 e fondit për PPP-të i jepet kompanive të konçesionarëve.
Një thirrje të fundit për organet e drejtësisë. Sot është quajtur skemë krimi inceneratori I Elbasanit, I cili në fakt është vendi ku u mblodh grupi parlamentar I PS-së është i vetmi që konsiderohet si skenë krimi. Ndërkohë që Inceneratori i Fierit vazhdon dhe merr pagesa. Inceneratori I Tiranës vazhdon dhe merr pagesa. Nga të njëjtët individë me të njëjtën proçedurë koruptive. Nga analiza qe kemi bërë në Komisionin Hetimor dhe nga dokumentat e arritura deri më sot në këtë Komision, provohet se të gjitha institucionet e ashtetit shqiptar, avokatura e shtetit, KLSH dhe disa institucione të tjera, i kane sugjeruar shtetit shqiptar të mos vendosë në kontratë Gjykatën e Arbitrazhit si gjykatë për zgjidhjen e konflikteve midis palëve.
Të vendosin gjykatat shqiptare. Sepse, siç thotë KLSH kjo do të jetë me një kosto shumë të lartë për buxhetin e shtetit. Ky akt, vendosja e Gjykatës së Arbitrazhit, si institucion për zgjidhjen e mosmarrëveshjeve, tregon se qeveria shqiptare kishte të gjithë qëllimin për t’i shkuar deri në fund kësaj afere korruptive, edhe për ta mbrojtur në momentin që kjo konsiderohet korruptive. Në ditët në vijim ne do të vëmë në dispozicion prova, fakte, argumenta, që na kanë ardhur deri më sot për të hedhur dritë për publikun dhe për t’i dhënë SPAK-ut informacione, jo se nuk i ka mjaftueshëm por të tregojë guximin që do t’i shkojë deri në fund kësaj çështje.
