Dy ditët e fundit, zyra e shtypit të PD ka zbardhur deklarata nga mbledhja e gjatë e kryesisë së Bashës më 11 janar ku shumë prej tyre kanë folur pa lidhje. Basha i ka regjistruar pa u treguar dhe më pas ua publikon ato në media. Njëri nga pjesëmarrësit ka debatuar me Bashën pasi iu publikua fjala me disa budalliqe të padëgjuara.
Në lidhje me këtë sjellje ka reaguar ish deputeti dhe anëtat i Komisionit të Rithemelimit, Genc Pollo.
“Hileqari!
I thirri në mbledhje, u tha flisni hapur. Dhe ata, pa e ditur se po i inçizonte, thanë budallëqe për t’i bërë qefin e për t’i dëftyer besnikëri.
Madje ndopak syresh u vunë në garë për për të shqiptuar gomarllëkun më të madh.
Dhe ditën tjetër hileqari ju a nxori në media. Jo vetëm për t’i treguar qesharakë para publikut. Por për t’i armiqësuar me demokratët e për t’i shembur urën drejt partisë së tyre”, deklaron Pollo.
