Protesta të fuqishme antiqeveritarr kanë përfshirë Kazakistanin javën e fundit ndërkohë që Presidenti i ish-republikës sovjetike të Kazakistanit i bëri thirrje një blloku sigurie të udhëhequr nga Rusia për ndihmë. Nga këto protesta së paku 8 persona janë raportuar se kanë humbur jetën ndërsa qindra të tjerë janë plagosur e shumë ndërtesa janë shkrumbuar nga zjarri.
https://twitter.com/disclosetv/status/1478684871103070208?s=21
Fillimisht të zemëruar nga rritja e çmimit të karburantit, protestuesit kanë sulmuar ndërtesat qeveritare dhe kanë bërë thirrje kundër Presidentit Kassym-Jomart Tokayev, pasardhës i Nursultan Nazarbayev i cili mbajti pushtet të gjerë pavarësisht se u largua në vitin 2019 pas një sundimi gati tre dekadash.
Kazakistani, pesë herë më i madh se Franca është me një popullsi prej afro 19 milionë banorësh.
Në videot e shpërndara në rrjetet sociale shihen se si njerëzit armatosen dhe hapin zjarr ndaj atyre që i shikojnë si “kundërshtarë”.
Duke kërkuar të qetësojë zemërimin e publikut, Tokayev shkarkoi Nazarbayev nga posti i kreut të Këshillit të Sigurisë Kombëtare të mërkurën dhe e mori atë vetë si post. Ai emëroi gjithashtu kreun e ri të Komitetit të Sigurimit të Shtetit, pasardhës të KGB-së të epokës sovjetike dhe hoqi nipin e Nazarbayev nga pozicioni nr. 2 në komitet. Kabineti i Tokajevit gjithashtu dha dorëheqjen.
Por protestat vazhduan dhe demonstruesit morën kontrollin e aeroportit në Almaty, qyteti më i madh i Kazakistanit.
Në një fjalim të dytë televiziv brenda disa orësh, Tokayev tha në orët e para të së enjtes se ai i kishte bërë thirrje për ndihmë Organizatës së Traktatit të Sigurisë Kolektive (CSTO), një aleancë ushtarake e Rusisë, Bjellorusisë, Armenisë, Kazakistanit, Kirgistanit dhe Taxhikistanit.
Ai tha se bandat “terroriste” të stërvitura nga të huajt po “pushtonin” ndërtesa, infrastrukturën dhe po armatoseshin. Madje shtoi se kishin marrë pesë avionë, në aeroportin e Almatit, ish kryeqytet i vendit deri në vitet ‘90. a.b
