Cështja penale kundër Saimir Tahirit dhe ish-drejtorit të Policisë së Vlorës Jaeld Çela do të mbahet në orën 09:00 më 20 dhjetor të këtij vitin ë Gjykatën e Posaçme kundër Korrupsionit dhe Krimit të Organizuar.
Trupa gjykuese do të kryesohet nga Daniela Shirka dhe dy anëtarët Engert Pëllumbi dhe Igerta Hysi. Ish-ministri i Brendshëm Saimir Tahiri po ndiqet penalisht prej tetorit të vitit 2017, si pjesë e një rrjeti kriminal në trafikun e marijuanës, që drejtohej nga vëllezërit Habilaj, të afërm të Tahirit.
Prokuroria e akuzoi Tahirin për trafik të narkotikëve dhe kërkoi arrestimin e tij, por shumica parlamentare socialiste e bllokoi kërkesën për arrestim dhe e sulmoi hetimin e prokurorisë si të njëanshëm.
Në shtator 2019, Tahiri u shpall i pafajshëm për akuzat e trafikut të narkotikëve dhe grupit të strukturuar kriminal, por u dënua nga Gjykata e Krimeve të Rënda me 5 vjet burg për shpërdorim detyre, dënim i cili u konvertua me 3.4 vjet për shkak të gjykimit të shkurtuar.
Vendimi i shkallës së parë u prish nga Gjykata e Posaçme e Apelit, e cila e riktheu çështjen për rishqyrtim.a.b
