Në një intervistë ekskluzive për emisionin “Ora e Betit” nga Beti Njuma në RTV Ora, presidenti Meta, duke iu përgjigjur Bashës për trekëndëshin e të keqes, theksoi se nuk është problem trekëndëshi, por problemi kryesor është mos mbajtja e përgjegjësive nga politikanët dhe katërkëndëshi për kapjen e shtetit.
Meta: Është e drejta e tij edhe të bëjë lapsuse edhe të ketë ndoshta ndonjë mendim të tij të lirë. Unë nuk kam asnjë shqetësim, jam përpjekur që të mos gabojë rëndë. Sa herë më ka kërkuar ndihmë e kam ndihmuar dhe telefonin tim e kam pasur të hapur. Por dua të them se politikanët shqiptarë duhet të mbajnë përgjegjësi. Sepse jemi në një situatë kur vihet në pikëpyetje legjitimiteti i PD-së, pas parlamentit.
Problemi është katërkëndëshi i përgjegjësive madhore të Lulzim Bashës, bojkoti i reformës territoriale, bojkoti i reformës në drejtësi, djegia e mandateve, zerimi i pushtetit vendor”
