Kryeministri i Kosovës, Albin Kurti, ka replikuar në distancë me Kryeministrin Rama në lidhje me këmbënguljen e këtij të fundit për kosnolidimin e inisiativës së tre vendeve ballkani, Ballkani i Hapur.
Nëpërmjet një mesazhi që u lexua në aktivitetin shkencorë, ‘Kauzat shqiptare – para dhe pas Hasan Prishtinës’, organizuar sot nga Instituti i Trashëgimisë Shpirtërore e Kulturore të Shqiptarëve në Shkup, Kurti thotë se shqiptarët janë më të fortë vetëm kur lidhen fort me njëri-tjetrin dhe vetëm pas kësaj mund ta hapen me fqinjët pa u rrezikuar.
‘Mesazhi që dua të jap sot është ai i të qenit pranë njëri-tjetrit, me projekte të përbashkëta, me koordinim dhe me punë. Vetëm kur të lidhemi fort me njëri-tjetrin, do të mund të hapemi me fqinjët pa u rrezikuar’, ka shkruar në mesazhin e tij Kurti- njofton Zyra e Kryeministrit.
Në vijim ai thotë se se detyra jonë ëhstë lufta kundër korrupsionit dhe se asnjë politikna shqiptar nuk duhet të bashkëpunojë me krimin.
‘Kahja jonë si shqiptarë është perëndimi, aleatët tanë janë ShBA dhe BE, aspirata jonë legjitime është barazia me popujt e tjerë të Ballkanit dhe bashkimi paqësor e demokratik kombëtar, e detyra jonë më emergjente është që të luftojmë korrupsionin dhe t’i hapim rrugën zhvillimit ekonomik. Rajoni fiton siguri dhe stabilitet afatgjatë vetëm nga dënimi dhe izolimi i kriminelëve, dhe askush nga politikanët shqiptarë nuk duhet të bashkëpunojë me krimin’, shkruna Kurti në mesazhin e tij.
Kreu i Qeverisë së Kosovës thekson gjithashtu, se partnerët po ndihmojnë në luftën kundër ndikimeve negative ruso-kineze në rajon.
‘Kohë të mira po vijnë për shqiptarët por edhe për fqinjët tanë, sepse partnerët tanë të mëdhenj janë më të vendosur se kurrë për të na ndihmuar në luftën tonë për drejtësi e demokraci, por edhe kundër ndikimeve negative ruso-kineze në qytetet e në shtetet tona, por edhe në rajon. Jam i sigurt se shqiptarët, në të gjitha shtetet ballkanike ku jetojmë e veprojmë, nuk do ta humbim këtë moment të rëndësishëm historik’, ka thuhet në fjalën e kryeministrit të Kosovës.
Prej disa ditësh aktivstë të kreyministrit Rama në mediat e Tiranës kanë ndërmarrë një revansh ndaj Albin Kurtit për shkak të refuzimit të tij për tu përfshirë në nismën Rama-Vucic-Zaev për minishengenin ballkanik me emër të ndryshuar Ballkan i hapur. a.b
