Albana Vokshi ka reaguar në lidhje me disa pamje të transmetuara nga emisioni “Fiks Fare” një nazë më parë.
Vokshi që kandidoi për PD në zonën e Laprakës në Tiranë tha se ky ishte një mashtrin.
“Pamjet e servirura si ndarje ndihmash natën para zgjedhjeve në Laprakë janë qese modeste me një pjesë të ushqimit të komisionerëve të PD për ditën e zgjedhjeve. Në qeset që u servirën si ndihma për blerje votash nga unë dhe PD në Laprakë ka 1 molto, 1 neskafe, 1 redbull.
Është poshtëruese për qytetarët ky mashtrim i “Fiks Fare” vetëm e vetëm për t’i shërbyer pushtetit dhe dy masakruesve të votës së lirë, Edi Ramës dhe Erion Veliajt. Qëllimi i mashtrimit është për të bërë të dukemi që ne jemi të gjithë njësoj dhe për të relativizuar masakrën e blerjes së votës nga Rama-Veliaj. Ne nuk jemi njësoj!”, thotë Vokshi në një postim në rrjete sociale. a.b
