Kreu i PD, Lulzim Basha ishte i ftuar sonte në emisionin “Të Paekspozuarit” të gazetarit Ylli Rakipi në mcntv.
Atentati ndaj aktivistëve tanë në zyrat elektorale në Kavajë është tregues se Edi Rama e ka humbur kontrollin dhe më 25 prill do të humbë dhe Shqipëria do të fitojë, tha që në fillim të bisedës Basha.
Lulzim Basha: Dua ta nis me ngjarjen e rëndë që ka ndodhur në Kavajë që është një atentat jo thjesht kundër një përfaqësuesi të Partisë Demokratikë, të Aleancës për Ndryshim, por është një atentat kundër demokracisë, e cila tregon se Edi Rama e ka humbur komplet toruan dhe kontrollin, është një tjetër ngjarje që tregon se e ka humbur kontrollin, sepse si pjesa dërmuese e shqiptarëve e ka kuptuar që në zgjedhjet e 25 Prillit që vijnë pas 5 ditësh siç thatë ju, pas 6 ditësh, ai do të humbë dhe Shqipëria do të fitojë.
Ylli Rakipi: Konkretisht çfarë ishte rasti?
Lulzim Basha: Rasti ishte siç u shpjegua dhe në mediat tuaja, ishte një sulm me armë brenda shtabit elektoral të zonës, në një nga lagjet e Kavajës, ndaj një aktivisti toni, nga 3 militantë të Partisë Socialiste.
Ylli Rakipi: Janë të identifikuar ata?
Lulzim Basha: Të identifikuar tashmë. Dhe akoma më e rëndë ishte heshtja e pandërprerë deri pas mbërritjes sime dhe deklaratës sime nga Kavaja, e njeriut i cili është shkaku i kësaj gjendje ku ka mbërritur Shqipëria pas 8 vite dështimesh. Pa diskutim një akt i ndërmarrë tani në kufijtë e panikut të humbjes së toruas për të ngjallur frikë, për të na mbyllur gojën. Ndaj dua ta përsëris fare qartë dhe prerë dhe ti them në emër të të gjithë shqiptarëve të bashkuar për ndryshim që koha e frikës ka mbaruar dhe më 25 prill mbaron edhe koha e 8 viteve dështim dhe përgjigjen për këtë akt kriminal, për këtë atentat ndaj demokracisë do ta marrë jo vetëm nga Kavaja por nga e gjithë Shqipëria më 25 Prill. Dua po kështu ta them fare qartë që ne e konsiderojmë këtë një akti të një grupi të kryesuar nga Edi Rama dhe dua ti ndaj veç socialistët e ndershëm.
Basha: Nuk ka ndryshim pa larguar Edi Ramën. Shanset që një njeri që ka dështuar për 8 vite rresht të bashkëqeverisë me koalicionin e Partisë Demokratike – Aleanca për Ndryshim janë zero. Aleanca për ndryshim është fituese e zgjedhjeve të ardhshme.
Ylli Rakipi: Kryeministri ju fton të braktisni Sali Berishën dhe Ilir Metën që të bashkoheni në një koalicion me të. Çfarë është kjo ftesë? Përse e bën Rama këtë gjë?
Lulzim Basha: Tani më mirë se sa një mik dhe kolegu juaj unë nuk mund ta them pse-në e kësaj. Pyetja që shtrove është e drejtë dhe që të jetë e plotë është: si ka mundësi që një njeri që e kaloi të gjithë fushatën elektorale si një satelit i kandidatit për kryeministër. Pra kryeministri në ikje sillet rrethe qark fjalimit tim, çdo pjese të programit, merret me gjithçka me veshjet, me flokët. Pra e gjithë fushate e tij është një satelit i fushatës time.
Ylli Rakipi: Tërësisht negative.
Lulzim Basha: Tërësisht negative. Çne un kujtua ky ditët e fundit ta bëjë këtë ftesë. Përgjigja është fare e thjeshte zoti Rakipi. Njësoj si shumica dërrmuese e shqiptarëve edhe Edi Rama e ka mësuar se me 25 prill do të do të humbë. Ndaj do mundohet të hapë një deriçkë për tu bërë pjesë e qeverisjes sonë. Përgjigjja ime është e qartë dhe e prerë. Njeriu që për 8 vite nuk bëri asgjë, që dështoi nga premtimi i parë që bëri, që brenda vitit të parë do të hapte negociatat dhe Shqipëria akoma është në fund të listës për sa i përket hapjes së negociatave madje me kushte të shtuara. Njeriu që e zhyti vendin në varfëri, sot kemi zyrtarisht pagat më të ulëta në Europë. Njeriu i cili shkaktoi largimin më masiv të Shqiptarëve që nga koha e vitit 1990-’92. Ky njeri kurrsesi nuk mund të jetë pjesë e bashkëqeverisjes tonë. Bashkëqeverisja jonë, e Aleancës për ndryshim, në mënyrë të prerë, jo. Sepse Shqipëria nuk mund të ndryshojë pa larguar Edi Ramën. Këtë e ka kuptuar i madh dhe vogël, këtë e ka kuptuar demokrat e socialist dhe 25 prilli bëhet për një pyetje të vetme. Edhe 4 vjet të tjera si këto që shkuan dhe me të gjithë problemet e ekonomisë, papunësisë, të kostos së jetesës, të shëndetësisë, të arsimit dhe bllokimin, izolimin e Shqipërisë nga Europa apo ndryshimin?! e.k
