Rreth orës 20:45 minuta të ditës së djeshme një shpërthim me eksploziv ka ndodhur në zonën e “Ranës së hedhun” në Shëngjin.
Një sasi eksplozivi është vendosur në një objekt në ndërtim në pronësi të L. Gj., banues në Tiranë. Nga shpërthimi i lëndës plasëse për fat të mirë nuk ka pasoja në njerëz, por vetëm dëme materiale.
Menjëherë në vendngjarje kanë shkuar forcat e Policisë dhe grupi hetimor ku vijon veprimet për sqarimin e rrethanave të ngjarjes, identifikimin dhe kapjen e autorit.
Nuk ka asnjë të dyshuar apo të shoqëruar për këtë ngjarje të ndodhur. Autorët janë ulur në këmbë tek objekti dhe mendohet se kanë lëvizur më pas me një mjet pa targa.
Konflikti për pronën dyshohet është pista kryesore, ku policia po heton. Ka pretendime për një pjesë të sipërfaqes së tokës ku po kryhet ndërtimi./DRONI.al/
