Gazmend Bardhi ka replikuar ketw pasdite me Erion Veline, pas nje fjale qe mbajti tek liqeni i thate i thare.
“Të rinjtë demokratë dhe rinia e Shqipërisë nuk jetojnë në vilë 1 milion euro që e kanë “blerë” me lekët e gruas dhe as bëjnë dasëm 500 mijë euro në Kala me lekët e mamit, siç bën Erion Veliaj.
Të rinjtë demokratë dhe shumica e të rinjve shqiptarë nuk vishen me xhupa 1000 euro, siç bën çdo ditë Erion Veliaj. Vlera e vetëm 1 xhupi është sa e gjithë rroga e 1 muaji e Kryetarit të Bashkisë së Tiranës.
Të rinjtë demokratë dhe e gjithë rinia e Shqipërisë e do Tiranën. Ata nuk do ta shkatërronin atë si Erion Veliaj, që ka firmosur me mijëra leje ndërtimi për Kulla, ku pastrohen paratë e krimit të organizuar.
Të rinjtë demokratë dhe e gjithë rinia e Shqipërisë nuk i mashtrojnë qytetarët, siç bëri Erion Veliaj me godinën në Baldushk. 1 faqe e godinës që nxori në televizor ishte e lyer, 3 faqe e fshehura ishin gërmadhë, njësoj si qeverisja e Edi Ramës dhe Erion Veliajt.
Të rinjtë demokratë dhe shumica e të rinjve shqiptarë nuk shkojnë me pushime çdo fundjavë në Zvicër, siç bën Erion Veliaj!
Të rinjtë dhe të rejat e Shqipërisë kanë përkushtimin për të transformuar Tiranën dhe Shqipërinë. 25 prilli është dita ku shqiptarët do t’i tregojnë Edi Ramës, Erion Veliajt dhe bandës së hajdutëve në pushtet se e duan Shqipërinë dhe se janë gati për të bërë realitet ëndrrën për Shqipërnë si gjithë Europa, duke çuar në burg Edi Ramën, Erion Veliajn dhe çdo zyrtar tjetër të korruptuar.”, komenton Bardhi.
